PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Thu14122017

سه‌ردێر
Back هه‌ڤپه‌یڤین هه‌ڤپه‌یڤین د. حه‌مید باڤى: ئه‌گه‌ر ئاریشه‌یێن دناڤبه‌را مالكى و بارزانیده‌ یێن كه‌سایه‌تى بان؛ ب ساناهى دا چاره‌سه‌ر بن

د. حه‌مید باڤى: ئه‌گه‌ر ئاریشه‌یێن دناڤبه‌را مالكى و بارزانیده‌ یێن كه‌سایه‌تى بان؛ ب ساناهى دا چاره‌سه‌ر بن

dr.baviii

زاخۆ 15ی نیسان / ئه‌پرێل (PDKzaxo) - د. حه‌مید باڤى، ئه‌ندامێ په‌رله‌مانێ ئیراقێ، ژ لیستا هه‌ڤپه‌یمانیا كوردستانى تایبه‌ت بۆ ئاژانسا پیدیكه‌ى زاخۆ خۆیاكر كو ئاریشه‌یێن هه‌رێمێ دگه‌ل حكومه‌تا مالكى، نه‌ یێن كه‌سایه‌تینه‌. به‌لكۆ ئه‌ڤه‌ مافێن ملله‌ته‌كینه‌، دبت هنده‌ك هۆسا هزر بكه‌ن كۆ ئه‌ڤ ئاریشه‌ د ناڤبه‌را دوو كه‌سانده‌ یه‌، ئه‌ڤه‌ ژى دبته‌ ئه‌گه‌رێ هندێ كۆ ب چاڤه‌كى بچیك سه‌حكه‌ینه‌ ئه‌ڤێ دۆسێ، دبت مالكى ژى ژ ئالێ خوه‌ڤه‌ هۆسا هزر دكت كۆ یێ به‌ره‌ڤانیێ ژ مافێن ملله‌ته‌كى، یان ژ مافێن عروبه‌)تێ یان ژى پێكهاته‌كێ دكت و نه‌ڤێت مافێن هنده‌ك ملله‌ت و پێكهاتێن دى بده‌تێ. چنكۆ هندى رژێمێن هه‌تا نهۆ هاتین، دژى مافێن گه‌لێ كوردن. ژبه‌ر هندێ ژى ناڤهاتى هۆسا ژبۆ خه‌لكى ددته‌ دیاركرن كۆ، ل گۆر رێبازا ئه‌ڤان رژێمێن بورین، پێدڤیه‌ ئه‌ڤ مافێن گه‌لێ كورد نه‌هێنه‌ دان، ژبه‌ركۆ چو ژ ئه‌ڤان رژێمێن ژ به‌رى وى ژى نه‌شیاینه‌ ئه‌ڤان مافان بده‌ت، له‌ورا هزر دكه‌ت ئه‌و ژى هه‌ر ل سه‌ر ئه‌وێ رێبازێ یه‌ و هه‌مان ئه‌وان ره‌فتاران بكار دئینت. نه‌كۆ ئاریشه‌یێن كه‌سایه‌تینه‌، دا پشته‌ڤانیێ دناڤ ئالیێن دیده‌ ژبۆ خوه‌ په‌یدا بكه‌ت. چنكۆ مخابن، مخابن، مه‌ د هه‌لبژارتنانده‌ دیت، ئه‌و ئالى و پارتێن خوه‌ هه‌لبژارتین، و دژایه‌تیا ملله‌تێ كورد دكرین؛ پتر ده‌نگ ئینان. چ ل ده‌ڤه‌رێن كه‌ركۆكێ، یان ژى ل موسل ب خوه‌ بت. ئانكۆ د ئه‌وى ده‌میده‌، (ئۆسامه‌ نجێفى) ل سه‌ر ئه‌ڤى بنه‌مایى پتریا ده‌نگان بده‌ستڤه‌ ئینان. و دژایه‌تیا ملله‌تێ كورد پێدكر. 

د. حه‌مید باڤى ئه‌و ژى ره‌تكر كو ئاریشه‌یێن كه‌سایه‌تى دناڤبه‌را بارزانى و مالكیده‌ هه‌بن، ژبه‌ركۆ ئه‌گه‌ر ئاریشه‌یێن كه‌سایه‌تى بان؛ ب ساناهى دا چاره‌سه‌ر بن، به‌لكۆ ئه‌ڤه‌ ئاریشه‌یێن مافێن ملله‌ته‌كینه‌، و ئه‌ڤى ملله‌تى ژى گه‌له‌ك قوربانى داینه‌، و دانپێدانا دادگه‌ها بلندا تاوانێن ئیراقێ، دبێژت: چار جینۆساید ل سه‌ر ده‌ستێ له‌شكه‌رێ ئیراقێ، دژى گه‌لێ كورد هاتینه‌ كرن، ل ده‌مێ رژێمێن ژناڤچویده‌. ئه‌وژى (جینۆسایدا كوردین فه‌یلى كۆ، نێزیكى 20 هزار گه‌نج تێده‌ هاتنه‌ هنداكرن، و پتر ژ نیڤ ملیۆنێ هاتینه‌ ده‌رئێخستن. دیسا ژى جینۆسایدا كوردێن بارزانى كۆ، 8 هزار مرۆڤ ل به‌ر كه‌ڤتن. و جینۆسایدا هه‌له‌بجه‌ ژى، 5 هزار مرۆڤ كێمیابارنكرینه‌. و دئه‌نفالانده‌ كۆ، 4 هزار و پێنج سه‌د گۆند وێرانكرینه‌، و 182 هزار مرۆڤ ب ساخى تێده‌ هاتینه‌ بن ئاخكرن). 

باڤى دووپاتكر كو ئه‌ڤ مافێن نهۆ ب كوردان ژى هاتینه‌ دان، و چوینه‌ د ناڤ دستوریده‌، به‌رهه‌مێ خوینا ئه‌ڤان شه‌هیدانه‌. ژ به‌ر هندێ ژى، ئه‌ڤ ئاریشه‌یێن دهێنه‌ پێش، نه‌ یێن كه‌سایه‌تینه‌، به‌لكۆ دژمناتیا گه‌له‌كى یا دهێته‌ كرن، له‌ورا دڤێت گه‌لێ مه‌ یێ ئێكگرتى و هشیار بت، دا ب سه‌رده‌ نه‌چت. چونكى ئه‌ز نابینم كۆ، مالكى وه‌ بكت، مافێن گه‌لێ كورد بهێنه‌ دان، به‌لكۆ ئه‌و ژى وه‌كۆ ئه‌ڤان كه‌سێن ژبه‌ر نهۆ، دێ ره‌فتارێن ئه‌وى دژى ملله‌تى بن، و هندى ژ ده‌ستى بهێت، ناهێلت مافێن گه‌لێ كورد بێنه‌ دان، چنكۆ سیسته‌مێن گه‌لێن رۆژهه‌لاتى ب ئه‌ڤى شێوه‌ینه‌، مافێن كه‌سان، و پێكهاتان، ناهێنه‌ دان. ئیلا ب خورتى بهێن ستاندن. ئه‌گه‌ر ئه‌م د ئێكگرتى بین، ئه‌م دێ شێین ئه‌ڤان مافان ب خورتى ژبۆ خوه‌ وه‌ربگرین و ئه‌گه‌ر نه‌، كا چاوا مه‌مله‌كه‌تا كوردستانێ د چاخێ شێخ مه‌حمودیده‌ و كۆمارا كوردستانێ د چاخێ قازى محه‌مه‌دیده‌ و به‌یاننامه‌یا 11ئادارێ، د چاخێ مسته‌فا بارزانیده ‌(دلۆڤانیا خودێ ل هه‌میان بت)، هه‌مى ده‌ستكه‌ڤت بون، و ژناڤچوون. چنكۆ هه‌ر ده‌ما بهێز دكه‌ڤتن؛ ئالیێن دى، ئه‌ڤ چه‌نده‌ نه‌ دپه‌ژراندن كۆ، كوردان ژى ده‌ستكه‌فته‌ك هه‌بت، یان ئه‌ڤ ملله‌ته‌ ژى، وه‌كۆ هه‌مى ملله‌تێن دى بژیت. و ئه‌ز پێشبینیا ئه‌وێ یه‌كێ ژ مالكى دكم كۆ، ئه‌و ژى ل سه‌ر ئه‌ڤى بناغه‌ى هزرێن خوه‌ ئاڤابكت، ب تایبه‌تى ل سه‌ر ژێكڤه‌كرنا مه‌. ژبه‌ر كۆ، ئێكنه‌گرتن، ئێشه‌كا دیرۆكى یا ملله‌تێ مه‌یه‌، ژ له‌و مالكى ژى ئه‌ڤرۆكه‌ نه‌خشه‌ و هه‌ره‌مێن خوه‌ ل سه‌ر ئه‌ڤێ ئێشێ ئاڤا دكه‌ت.


هه‌ڤپه‌یڤین: هه‌وار ئاسا

7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى