PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Thu18012018

سه‌ردێر
Back نووچه‌ بـه‌ش هه‌مه‌ره‌نگ دانیماركى دلخوه‌شترین ملله‌تێ سه‌ر ئه‌ردینه‌

دانیماركى دلخوه‌شترین ملله‌تێ سه‌ر ئه‌ردینه‌



هه‌یامه‌كا درێژه‌ خه‌لكى دانیماركى ب دلخوه‌شترین كەسێن جیهانێ دهێنه‌ هه‌ژمارتن و ل گۆره‌ى پیڤه‌رێن دلخوه‌شیێ، ژ سالا 1973ێ وه‌ره‌ وه‌لاتێ دانیمارك پێشەنگا وه‌لاتێن ئۆرۆپییه‌، لێ ئایا سه‌ده‌مێن ڤێ دلخوه‌شییا وان چنه‌؟ دلخوه‌شییا دانیماركییان ب رێیا جادویێ ڤه‌ نینە، بەلكو تشته‌كێ مرۆڤییە و چو پەیوەندییەك ب ئاینى ڤه‌ نینە، د هه‌مان ده‌م دا پەیوەندی ب علمانییەت و دیمۆكراسیێ ڤه‌ نینە، بەلكو پەیوەندی ب سروشتێ مرۆڤى ڤه‌ هەیە، پەیوەندی ب باوه‌ریێ ڤه‌ هەیە، گەلێ وێ باوه‌رى ب سەركردەیێن خوه‌ هه‌یه‌، ژنان باوه‌رى ب وێ ئێكێ هه‌یه‌ زاڕۆیێن وان چو پاره‌ لێ ناهێنه‌ خه‌رجكرن و زه‌لامێن وان ب دانا پاره‌یان بۆ خواندنا زاڕۆیێن خوه‌ و مه‌زنكرنا وان ماندوو نابن، ژبه‌ركو ڤان زاڕۆیان‌ ژ بال حوكمه‌تێ ڤه‌ خه‌رجى بۆ دهێنه‌ ته‌رخانكرن هه‌تا مه‌زن دبن و شیانێن كاركرنێ هه‌بن. هه‌كەر گەنجه‌كى كار دەستنەكەڤت، كو ئەمە ژى تشته‌كێ دەگمەنە، ژبه‌ركو وه‌لاتێ دانیمارك رێژەیەكا گه‌له‌ك كێم بێكاری تێدا هه‌یە، حوكمەت مه‌هانە گوژمه‌یه‌كێ پاره‌ى بۆ تەرخاندكه‌ت، كو تێرا ژیانا وى دكه‌ت و ناهێلیت خوازۆكیێ بكه‌ت. ب گشتی دانیماركى حەفتییانە 33 ده‌مژمێران كاردكەن، له‌و وان ده‌مه‌كێ باش هه‌یه‌ بۆ وێ ئێكێ كو گرنگیێ ب خوه‌ و كه‌سوكارێن خوه‌ بده‌ن و ده‌مه‌كێ خوه‌ش دگه‌ل هه‌ڤالێن خوه‌ ببه‌نه‌ سه‌رى. دانیماركى دلخوه‌شترین كەسێن جیهانێنه‌، ژبه‌ركو پشتراستن كو چو جوداهى د ناڤبه‌را نۆشدار و شۆفێرێ بارهه‌لگره‌كێ دا نینه‌، به‌لكو هەموو وەكو ئێك كاردكەن و ل همبه‌رى قانوونێ وه‌كهه‌ڤن، ل دانیماركێ ئاخڤتنا ”تو د سه‌ر كه‌سێ دا نینى”، كار پێ دهێته‌كرن، له‌و خه‌لكێ وێ هه‌موو پشتراستن، كو مافێن وان دپاراستینه‌. دانیماركییەكى ترسا وێ ئێكێ نینە پاسكلا وى كو لبن داره‌كێ هێلایه‌، دێ هێته‌ دزین، ژبه‌ركو هه‌ژمارا دزان ل وى وه‌لاتى كێمه‌، یان هه‌كه‌ر هاته‌ دزین ژى، پاسكلا وى گره‌نتى دگه‌ل دایه‌ و دێ دانه‌یه‌كا باشتر وه‌رگریت. تشته‌كێ دى كو وه‌دكه‌ت دانیماركى بێ كێشە و سەرئێشانێ بن، ئەوە كو پترییا وان گه‌له‌ك گرنگیێ ب تەكنۆلۆژیا نوو نادەن، له‌و پترییا ده‌مان د ئارامیێ دانه‌.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى