PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Thu18012018

سه‌ردێر
Back نووچه‌ بـه‌ش ئه‌ده‌ب و هونه‌ر دهۆك دێ مێهڤاندارییا چوار شانۆگه‌ریێن ئامه‌دێ كه‌ت

دهۆك دێ مێهڤاندارییا چوار شانۆگه‌ریێن ئامه‌دێ كه‌ت


به‌رده‌وامیدان ب كارۆ چالاكیێن شانۆیێ، رێڤه‌به‌ریا شانۆیێ ل دهۆكێ رابوویه‌ ب مێهڤاندارییا شاره‌داریا ئامه‌دێ ل دهۆكێ و دێ رۆژانێن شانۆیا ئامه‌دێ ل دهۆكێ نمایشكه‌ن.لدۆر ڤێ چه‌ندێ رێڤه‌به‌رێ رێڤه‌به‌رییا هونه‌رێ شانۆیێ ل دهۆكێ، میه‌سه‌ر عوبه‌ید بو وار گۆت: مه‌ وه‌ك رێڤه‌به‌ریا شانۆیێ حه‌سكریه‌ و پلانه‌ك دانایه‌ كو دهۆكێ بكه‌ینه‌ باژێرێ لێكنیزیكرنا هه‌موو هونه‌رمه‌ندێن جیهانێ و هه‌ر چوار پارچه‌یێن دن یێن كوردستانێ كو ل دهۆكێ كارێ خوه‌ بكه‌ن و نمایشێن خوه‌ بیننه‌ دهۆكێ، خۆشبه‌ختانه‌ ئه‌ڤێ پلانێ سه‌ركه‌ڤتن ب ده‌ست خوه‌ ئێخست.مه‌یسه‌رى زێده‌تر گۆت: ئه‌و بو ئه‌م شییان ڤێ یه‌كێ بو باژێرێ دهۆكێ بكه‌ین و بێ راوه‌ستیان بزاڤێن خوه‌ خورتر لێ بكه‌ین و نیشا هه‌موو كه‌سه‌كێ بده‌ین كو دهۆك باژێرێ هونه‌ر و هونه‌ر دوستایه‌،پشتى شاندێ سویسرى یێ كو ل دهۆكێ بوویه‌ مێهڤان و چه‌ندین كارێن شانۆیى و ووركشووپ پێشكێشكرین، كار بۆ مێهڤانكرنا شاره‌درییا ئامه‌دێ هاته‌ كرن و ئه‌ڤ كاره‌ ب ئینانا چوار شانۆگه‌رییان بدوماهى هات.ده‌رباره‌ى ڤان چوار شانۆگه‌رییان، رێڤه‌به‌رێ هونه‌رێ شانۆیێ گۆت: شاره‌دارییا ئامه‌دێ دێ ب چوار شانۆگه‌رییان بیته‌ مێهڤانێ دهۆكێ كو دێ ل رۆژا 5 تا 9 گولانێ دێ نمایشێن وان به‌رده‌وام بن. ئه‌ڤ رۆژێن شانۆیا ئامه‌دێ دێ ل رۆژا 5 مه‌ها گولانێ بشانۆگه‌ریا هاملێت ل هۆلا گۆنگره‌یان ل ده‌مژمێر 5 ێ ئێڤارى ده‌ست پێكه‌ن.ناڤبرى زێده‌تر گۆت: دیسا 6 مه‌هێ دێ شانۆگه‌ریا “ده‌ستێ شه‌ش تل” و ل رۆژا 8مه‌هێ شانۆگه‌رییا “نه‌خۆشێ نه‌خۆشیێ” و ل رۆژا 9 ڤێ مه‌هێ دێ شانۆگه‌رییا “نیسكۆبێژ” ل هه‌مان جهـ و هه‌مان ده‌م دێ هێته‌ نمایشكرن. هه‌روه‌سا مه‌ شاندێ رێڤه‌به‌ریا شانۆیێ ل هه‌ولێرێ و هونه‌رمه‌ندێ شانۆكار و به‌رنیاس دكتۆر قوددبه‌دین سادقى ژ كوردستانا رۆژ هه‌لات مێهڤانكریه.دیسا رێڤه‌به‌رێ شانۆیێ گۆت: هه‌ر د ڤێ مێهڤاندارێدا دێ شاره‌دا‌رێ ئامه‌دێ ژى ئاماده‌بیت كو دێ دگه‌ل هنده‌ك رێڤه‌به‌رێن حكومى یێن دهۆكێ كومبیت ژبو هندێ پتر باس لسه‌ر په‌یوه‌ندیێن دهۆك و ئامه‌دێ و باس ل هونه‌رێ ده‌ڤه‌رێ بكه‌ن.دیسا ناڤبرى گۆت: د ئه‌ڤ ساله‌دا مه‌ بێ راوه‌ستیان كاركریه‌ و رۆژانێن شانۆیێ مه‌ ساخكرینه‌ ڤه‌ مینا رۆژانێن شانۆیا سویسرا و دیسان شانۆگه‌ریا هه‌لامه‌ت و ژنێن چاڤه‌رێ و حه‌فت شانۆگه‌رێن كۆلیژا ئادابێ پشكا درامایێ هاتنه‌ نمایشكرن كۆ ئه‌ڤ شانۆگه‌ریه‌ ب پالپشتیا رێڤه‌به‌ریا شانۆیێ بوون هه‌ردیسا شانۆگه‌ریا كۆیێ و چه‌ندین شانۆگه‌رێن دن و هه‌روه‌سا رۆژانێن شانۆیا دهۆكێ ل سلێمانیێ مه‌ ساخكریه‌. ئه‌ڤه‌ ژى دبیته‌ پرۆژه‌یێ رێڤه‌به‌ریا شانۆیێ كۆ شاره‌داریا ئامه‌دێ بهێنه‌ دهۆكێ و نمایشێن خوه‌ بكه‌ن.دیسا ناڤبرى دادیار‌كرن پشتى ڤێ یه‌كێ دێ شانۆیا دهۆكێ به‌ره‌ڤ ڤیسته‌ڤالا باتمانێ و ئه‌سته‌نبۆلێ و دیسا به‌ره‌ڤ ئه‌لمانیا چیت و ل ڤان جهان شانۆ یا دهۆكێ دێ نمایشێن خوه‌ ئه‌نجامده‌ن.دیسا ناڤبرى گۆت: پشتى شاندێ سویسرى باسێ كوردستانێ ژلایه‌نێ سیاسی و هونه‌رى ب جوانى و باشى د رۆژنامه‌ و كۆڤار و سایتێن جیهانێدا هاتینه‌ به‌لاڤكرن، ئه‌ڤه ‌ژى دبیته‌ به‌لگه‌یه‌ك كو شانۆ شیایه‌ رۆلێ خوه‌ د ڤان كاوداناندا بگێریت، ژبه‌ركو باسێ كوردستانێ مینا وه‌لاته‌كێ سه‌ربه‌خۆ دڤان سایت و لاپه‌رێن رۆژنامه‌یێن سویسرى هاتیه‌ كرن. و گۆتژى، ئه‌ڤه‌ هه‌موو ب پالپشتیا رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ و رێڤه‌به‌ریا هونه‌رێ شانۆیێ هاتییه‌ ئه‌نجامدان.دیسا ناڤبرى دا دیاركرن كۆ هه‌موو بزاڤ رێڤه‌به‌ریا شانۆیێ كرینه‌ كو دهۆكێ بكه‌نه‌ سه‌نته‌رێ خرڤه‌كرنا هه‌موو هونه‌رمه‌ندێن كوردستانێ.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى