PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Thu18012018

سه‌ردێر
Back نووچه‌ بـه‌ش ئه‌ده‌ب و هونه‌ر نێدا ئابره‌نگى: حه‌ز ژ نه‌ته‌وه‌ و زمانێ كوردان دكه‌م، له‌و سترانان پێ دبێژم

نێدا ئابره‌نگى: حه‌ز ژ نه‌ته‌وه‌ و زمانێ كوردان دكه‌م، له‌و سترانان پێ دبێژم


نێدا ئابره‌نگى، كو ب نه‌ته‌وه‌ فارسا ئیرانێیه‌، د نه‌ورۆزا ئه‌ڤ ساله‌ دا، ل هه‌ولێرێ كلیپه‌ك بۆ پێشمه‌رگه‌ و شه‌هیدێن كوردستانێ چێكر كو ب زمانێ كوردى ژى گۆتبوو. وێ ئه‌ڤ ئێكه‌ ب ئه‌ركێ خوه‌ زانى ل همبه‌رى وێ قوربانییا پێشمه‌رگه‌ بۆ كوردستانێ دده‌ت.وێ، باوه‌رنامه‌یا به‌كالریۆسێ د بوارێ ده‌رهێنانا سینه‌مایێ دا وه‌رگرتییه‌ و به‌رى نوكه‌ ژى د بیاڤێ مۆدێل و دیزاینا جلان دا كاردكر، لێ نوكه‌ ل هه‌رێما كوردستانێیه‌ و وه‌كو سترانبێژه‌ك دهێته‌ نیاسین و كلیپان چێدكه‌ت.وار: ته‌ گه‌نكى ده‌ست ب كارێ سترانگۆتنێ كرییه‌ و چه‌ند كلیپ چێكرینه‌؟نێدا ئابره‌نگى: ئه‌ڤه‌ هه‌یاما ساله‌كێ دبیت كو ب هه‌ڤكارییا هه‌لكه‌وت زاهیر، من ده‌ست ب گۆتنا سترانان كرییه‌ كو هه‌تا نوكه‌ من چار ستران گۆتینه‌ و ئێك ژ وان؛ كلیپ كرییه‌ كو تایبه‌ت بوویه‌ شه‌هیدان و ب زمانێ كوردى من گۆتییه‌، ل ڤان نێزیكان ژى ب نیازم كو كلیپه‌كێ دى چێبكه‌م.وار: بۆچى ته‌ هونه‌رێ سترانگۆتنێ هه‌لبژارت؟نێدا ئابره‌نگى: ئه‌ڤه‌ خه‌ونا من یا زاڕۆینیێ بوو، ئه‌ڤجا خوه‌شبه‌ختانه‌ گه‌هشتمێ.وار: ژبلى زمانێ فارسى، تو سترانێن خوه‌ ب چ زمانێن دى دبێژى؟نێدا ئابره‌نگى: ئه‌ز نوكه‌ ستران و به‌رهه‌مێن خوه‌ ب زمانێ كوردى دبێژم، لێ ئێك ژ وان ب كوردى و فارسییه‌. بۆ هونه‌رمه‌ندان خوه‌شه‌ كو بشێن ب زمانێن دى ژى سترانان بێژیت.وار: چاوا بوو ته‌ بۆ شه‌هێدێن كوردستانێ و پێشمه‌رگه‌ى كلیپ دروستكرى؟نێدا ئابره‌نگى: من ب خوه‌ پێشمه‌رگه‌ ددیت كو جانێ خوه‌ گورى ئاخا كوردستانێ دكه‌ن، ئه‌ڤجا من ژى ب ئه‌ركێ خوه‌ زانى پشكداریێ بكه‌م و هه‌ستێ خوه‌ بۆ شه‌هیدێن كوردستانێ ده‌رببڕم، كو ئه‌ڤ ئێكه‌ من گۆته‌ هه‌لكه‌وت زاهرى، وى گه‌له‌ك پێ خوه‌ش بوو، ئه‌ڤجا د. ئاراس عه‌بدولكه‌ریم تێكست نڤیسى و مه‌ پێشكێشى شه‌هیدێن كوردستانێ كر.وار: ئایا نه‌ته‌وه‌یا ته‌ كورده‌ یان نه‌ته‌وه‌یه‌كێ دییه‌؟نێدا ئابره‌نگى: ئه‌ز كورد نینم، لێ ئه‌ز حه‌ز ژ نه‌ته‌وه‌یێ كورد دكه‌م و زمانێ وان ژى من پێ خوه‌شه‌، له‌و سترانان پێ دبێژم، هه‌كه‌ر ئه‌ز فارسا ئیرانێمه‌.وار: ئایا د شیان دا هه‌یه‌ ب رێیا هونه‌رى و ب تایبه‌ت سترانگۆتنێ، پرسێن گرێداى ب ژنان ب دووماهى بهێن یان كێمببن؟نێدا ئابره‌نگى: هه‌رده‌م كولتۆرى رۆلێ سه‌ره‌كى د ناڤ جڤاكى دا هه‌یه‌، ئه‌ڤجا بێگومان د هه‌موو بیاڤان دا و ب تایبه‌ت د بیاڤێ هونه‌رى دا دشێین ره‌وشه‌نبیرییا گشتى لدۆر مافێن ژنان رۆنتر بكه‌ین كو ئه‌ڤه‌ ژى په‌یاما تایبه‌تا منه‌.وار: بۆچى تو هاتییه‌ هه‌رێما كوردستانێ و ل هه‌ولێر ئاكنجى بووى؟نێدا ئابره‌نگى: ژبه‌ر چه‌ند پرۆژه‌یه‌كێن جودا جودا هاتیمه‌ ڤێرێ و ل هه‌ولێرێمه‌، لێ نوكه‌ مژوولى كارێن هونه‌ریمه‌.وار: تو ژنا رۆژهه‌لاتا ناڤین د بوارێ هونه‌رێ سترانگۆتنێ دا چاوا دهه‌لسسه‌نگینى؟نێدا ئابره‌نگى: بزاڤێن باش هه‌نه‌ د هه‌موو وه‌لاتان دا، كولتۆرێن هه‌مه‌ره‌نگ دهێنه‌ دیتن ب تایبه‌ت ل وه‌لاتێن ئه‌ره‌بى، ل كوردستانێ ژى ل ڤان سالێن دووماهیێ، گه‌له‌ك ژنێن باش د بیاڤێ سترانگۆتنێ دا هاتینه‌ پێش، بێگومان ئه‌ڤه‌ ژى ب بزاڤا هه‌لكه‌وت زاهر بوویه‌ كو ده‌نگڤه‌دانێن زێده‌ هه‌بوون.وار: ئایا هه‌تا نوكه‌ ژ بال ژنه‌كا ژده‌رڤه‌ى بیاڤی هونه‌رى ڤه‌ ده‌ستخوه‌شى ل كارێن ته‌ هاتییه‌ كرن؟نێدا ئابره‌نگى: ب گشتى، به‌لێ.وار: تو زه‌لامان د ستران و كلیپێن خوه‌ دا چاوا وێنه‌ دكه‌ى؟نێدا ئابره‌نگى: ل گۆره‌ى تێكست و ناڤه‌رۆكێن هه‌لبه‌ستان.وار: ئایا ژبلى هونه‌رێ سترانگۆتنێ، د بیاڤه‌كێ دى ژى دا ته‌ چالاكى هه‌نه‌؟نێدا ئابره‌نگى: به‌لێ، د بیاڤێ شێوه‌كارى و وێنه‌كێشانێ دا.وار: ئایا ته‌ د بیاڤێ هونه‌رێ زاڕۆیان ژى دا كار و چالاكى هه‌نه‌؟نێدا ئابره‌نگى: دێ بزاڤان بۆ ڤێ ئێكێ كه‌م، ژبه‌ركو من پێ خوه‌شه‌ بۆ زاڕۆیان ژى، من كار و چالاكى هه‌بن.وار: تو كوردستان و هونه‌رێ وێ چاوا دبینى؟نێدا ئابره‌نگى: من كوردستان گه‌له‌ك دڤێت، ژبه‌ركو ئاخه‌كا گه‌له‌ك جوانه‌ و مرۆڤێن وێ گه‌له‌ك میهره‌بانن.وار: ئایا ته‌ هه‌ڤكارى و هه‌ماهه‌نگى دگه‌ل هونه‌رمه‌ندێن رۆژهه‌لاتا كوردستانێ هه‌نه‌؟نێدا ئابره‌نگى: پشكه‌ك ژ هونه‌رمه‌ندێن هه‌ر دو ئالیێن كوردستانێ (باشوور و رۆژهه‌لات) دنیاسم، لێ گه‌له‌ك نێزیكى دگه‌ل هه‌لكه‌وت زاهر هه‌یه‌ و دگه‌ل وى كاردكه‌م.وار: ئایا ته‌ چ كار و پرۆژه‌یه‌كێن نوو هه‌نه‌؟نێدا ئابره‌نگى: من چه‌ند كاره‌ك هه‌نه‌، ل ده‌مێ به‌لاڤبوونا وان، دێ ئاماژه‌یێ پێ كه‌م.وار: بۆ به‌ره‌ڤ پێشچۆنا هونه‌رێ كوردستانێ، ته‌ چ پێشنیاره‌ك هه‌یه‌؟نێدا ئابره‌نگى: هيڤیدارم هونه‌رێ كوردى رۆژ بۆ رۆژێ د پێشكه‌ڤتنێ دا بیت و دێ پاشه‌ڕۆژه‌كا باش هه‌بیت.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى