PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sat20012018

سه‌ردێر
Back نووچه‌ بـه‌ش ئه‌ده‌ب و هونه‌ر خه‌یرۆ عه‌باس: خه‌ونا من لسه‌ر ده‌ستێ دلشادى بجهـ هات

خه‌یرۆ عه‌باس: خه‌ونا من لسه‌ر ده‌ستێ دلشادى بجهـ هات


ل رۆژا دوشه‌مب رێكه‌ڤتى 2 ته‌باخا ئه‌ڤساله‌ و ل ژێر چاڤدێرییا “نێچیرڤان بارزانى” سه‌رۆكێ ئه‌نجوومه‌نێ وه‌زیران ل حوكمه‌تا هه‌رێما كوردستانێ هه‌ر دو سروودێن “شنگال” و “پێشمه‌رگه‌ “ كو ب شێوه‌یێ سه‌مفۆنی ژ لایێ ئاوازدانه‌ر و مۆزیكڤانێ مه‌زن كورد “دلشاد محه‌مه‌د سه‌عید” و ژ تێكستێن هۆزانڤان “ئه‌دیب چه‌لكى” هاتیینه‌ ئاماده‌كرن، ل هۆلا كۆنفرانسان ل زانكۆیا دهۆكێ هاته‌ پشێشكێشكرن. د ڤان هه‌ر دو سرووداندا هژماره‌كا هونه‌رمه‌ندێن مه‌زنێن كورد ل هه‌ر چار پارچه‌یێن كوردسنانێ، پشكدارى كریه‌. خێرۆ عه‌باس ئێك ژ وان هونه‌رمه‌ندان بوویه‌ كو رۆژنامه‌یا وار دیدار دگه‌لدا سازكریه‌.ل ده‌ستپێكێ خێرۆ عه‌باسى بۆ رۆژنامه‌یا وار گۆت: من حه‌سوودى بخۆ بر ده‌ما ئه‌ز هونه‌رمه‌نده‌كێ رۆژ ئاڤا شییایم دناڤا هنده‌ك هونه‌رمه‌ندێن زیره‌ك و سه‌ركه‌ڤتى ل هه‌ر چوار پارچه‌یێن كوردستانێ پشكداریێ د ڤان هه‌ر دو كارێن زێده‌ مه‌زن، سه‌مفۆنییا “پێشمه‌رگه‌” و “شنگال” دا بكه‌م.خێرۆى زێده‌تر گۆت: ئه‌ڤ چه‌نده‌‌ دبیته‌ بیرهاتنه‌كا پڕ مه‌زن بۆ من و هه‌ڤالێن من و دبیته‌ دیرۆك بو كوردستانێ كو ئێكه‌م جاره‌ بڤى ره‌نگى سه‌مفۆنیێن مه‌زن و هه‌ڤپشك بۆ كوردستانێ بهێته‌ دروستكرن، لێ ده‌ما من سه‌رۆكێ حوكمه‌تا هه‌رێما كوردستانێ بڤى شێوه‌ى و هه‌ستیسڤك و جوامێرانه‌ دیتى كو پێشوازى ل مه ‌كرى و ده‌ستخۆشى ل كارێ مه‌كرى ئه‌ڤه‌ ژى وه‌ك خه‌ونه‌ك بوو بۆ من كو ئه‌ز كاك نیچیرڤان بارزانى ببینم و ئه‌و به‌رانبه‌رى مه‌ براوه‌ستێت و قیمه‌تێ بده‌ته‌ كارێ مه‌یێ هونه‌رى، كو بجههات.ئه‌ڤ كاره‌ ب سپۆنسه‌رییا كه‌نالێ رووداو و ب هه‌ڤكارییا تیپا سه‌مفۆنییا وه‌لاتێ چیك ب پشكدارییا هژماره‌كا مه‌زن یا مۆزیكژه‌نێن وى وه‌لاتى د گه‌ل 60 كه‌س ژ ژن و زه‌لامێن وێ تیپێ وه‌ك كۆرس هاتییه‌ تۆماركرن.ده‌رباره‌ى پشكدارییا خۆ، خێرۆ عه‌باسى گۆت: پشكداریكرن د كاره‌كێ ب ڤى ره‌نگى مه‌زن كو سرووده‌ك وه‌ك سه‌مفۆنى و ل سه‌ر پێشمه‌رگه‌ى بهێته‌ ئاماده‌كرن، بۆ من وه‌ك خه‌ونه‌ك مه‌زن بوویه‌ كو من چو جاران باوه‌رنه‌دكر كو رۆژه‌كێ ئه‌ڤ خه‌ونه‌ بجهبهێت، لێ ل سه‌ر ده‌ستێن هونه‌رمه‌ند و ئاوازدانه‌ر و مۆزیكژه‌نێ مه‌زنێ كورد مامۆستا دلشاد محه‌مه‌د سه‌عیدى بجههات.خێرۆ زێده‌تر دبێژیت: هه‌لبه‌ت تشتێ خۆش كو ب سه‌رێ من هاتى، ئه‌و بوو كو ل ده‌مێ كلپیكرنا ڤان سروودان، من تێكستێ سترانێ ژبیركربوو و مه‌ نه‌دزانى كو ل كیژ ده‌مى ئه‌ز دێ بێژم. ئه‌ڤه‌ ژى دێ وه‌ك بیرهاتنه‌كێ بیت كو هندى یێ ساخبم دێ دگه‌ل مندا مینیت.هه‌ر دیسان خێرۆ عه‌باسى ئه‌ڤ چه‌نده‌ ژى گۆت: ژلایه‌كێ دیڤه‌ ئه‌ز دكارم بێژم كو هه‌موو كه‌س ل جیهانێ دكارن گۆهداریا ڤێ سترانێ بكه‌ن، ژبه‌ركو دلشاد شیایه‌ وێ مۆزیكێ بۆ ڤان تێكستان ئاماده‌بكه‌ت ئه‌ڤا جیهان هه‌موو حه‌ز لێدكه‌ت و ب مۆزیكێ دێ د ناڤه‌رۆكا سروودان گه‌هیت، و گۆتژى، ئه‌ڤرۆ ئه‌م ژى خودان كه‌سێن شاره‌زاینه‌ د بوارێ ئه‌كادیمیا مۆزیكێ لسه‌ر ئاستێ جیهانێ، دلشاد گه‌وهه‌ره‌كه‌ نابیت ب ئه‌رزانى بفرۆشین، هه‌ر وه‌سا خێرۆى زێده‌تر گۆت، دیسا ئه‌ز ده‌ستخۆشییێ ل كه‌كێ ئه‌دیب چه‌لكى دكه‌م بۆ وێ هوزانا وى و په‌یڤێن پێشمه‌رگه، ب راستى رامانه‌كا دروست و پێشكه‌ڤتى بهه‌موو زاراڤێن خۆڤه‌، پێشكێشى پێشمه‌رگه‌ی و شنگال كر.هه‌ر وه‌سا خێرۆى گۆت: ئه‌ڤه‌ جهێ شانازیێیه‌ كو ل كورستانێ ئه‌ڤ كه‌سه‌ هه‌ین و دكارن به‌ره‌ڤانیێ ژ هونه‌رى و ره‌وشه‌نبیران بكه‌ن. هونه‌رمه‌ند و ره‌وشه‌نبیر دناڤا ملله‌تێ كوردا مل بملێ پێشمه‌رگه‌ى خه‌باتێ دكه‌ن. بتنێ ئه‌ڤه‌ دیاریه‌كه‌ بۆ جانێ قاره‌مان و به‌ره‌ڤانێن ملله‌تێ كورد، پێشمه‌رگێن چاڤنه‌ترس.خێرۆى ئاماده‌ییا خۆ بۆ ڤان جۆره‌كاران دیار كر و گۆت: ئه‌ز هه‌موو ده‌مه‌كى بۆ كاره‌كێ بڤى ره‌نگى یێ ئاماده‌مه‌ و بێ به‌رامبه‌ر، نه‌بتنێ كو ئه‌ڤه‌ كارێ كاك دلشادى بۆ ئه‌ز پشكداربوم، به‌لكۆ كارێ هه‌ر هه‌ڤاله‌كى بیت و بۆ ملله‌تێ كورد بیت ئه‌ز یێ به‌رهه‌ڤم شه‌ڤ و رۆژان بكه‌مه‌ ئێك داكۆ بتنێ دلۆپه‌كا خزمه‌تێ بۆ ملله‌تێ خۆ بكه‌م.ل دوماهیێ سه‌باره‌ت دهۆكێ ناڤبرى گۆت: ئه‌ڤه‌ نه‌ جارا ئێكێ یه‌ ئه‌ز هاتیمه‌ دهۆكێ و دگه‌ل هونه‌رمه‌ندێن دهۆكێ كاردكه‌م، به‌لكۆ من به‌ریا نها ژى دگه‌ل هونه‌رمه‌ندێن دهۆكێ كاركریه‌ و هاتیمه‌ دهۆكێ ب مه‌ره‌ما دروستكرنا كاره‌كێ هونه‌رى. ئه‌م دهۆكێ بمالا خۆیا هونه‌رى دزانین. دهۆك ئانكو كوردستانا مه‌زن و براستى ل هه‌رچار پارچه‌یێن كوردستانێ دهۆكێ ناڤێ خوه‌ هه‌یه‌ و دێ هه‌ر هه‌بیت.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى