PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sat20012018

سه‌ردێر
Back نووچه‌ بـه‌ش ساخله‌می فلفلێن تووژ مرۆڤی ژ نەخوەشییێن په‌نجه‌شێرێ دپارێزیت

فلفلێن تووژ مرۆڤی ژ نەخوەشییێن په‌نجه‌شێرێ دپارێزیت


د ڤەکۆلینەکا چینی یا نوو دا، ھاتییە دیارکرن کو وەرگرتنا وان بەرھەمێن خوارنێ یێن کو ب رەنگەکێ گونجای فلفلا تووژ د پێکھاتەیا وێ دا ھەی دشێت گرێدای بیت ب ژیانەکا درێژتر و کێمبوونا دەلیڤەیا تووشبوونێ ب نەخوەشییا شێرپەنجێ، و دیسان کێمبوونا نەخوەشییا بۆریکێن خوونێ و یێن ھەوای لدەف مرۆڤی.ھژمارەیەکا ڤەکۆلەران ب رژدی بابەتەکێ بەلاڤکری د کۆفارەکا بریتانیدا دۆپاتکرن یا کو ب ناڤێ “بی ئێم جەی” کو دیارکرییە پەیوەندییەکا بەروڤاژی ھەیە د ناڤبەرا وەرگرتنا خوارنێن کو تووژاتی د پێکھاتەیا وان دا ھەین، و ئاستێ مرنێ ب گشتی، ژ وان ئەگەرێن مرنێ ژی یێن کو تەکەز کرینە سەر “پەنجەشێر و نەخوەشییێن بۆریکێن تاجی و ھەناسەیێ”.ڤەکۆلەران ڤەکۆلینا خوە لسەر نزیکی نیڤ ملیون کەسێن چینی کرن د ھەیاما چەندین ساڵاندا. د ئەنجامدا ڤەکۆلینێ دیارکر کو ئەو کەسێن تووژاتییان دگەل خوارنێ دخۆن ب رەنگەکێ رۆژانە دەلیڤەیا مرنێ لدەف وان کێم دبیت ب رێژەیا 14% بەرامبەری وان کەسان یێن کو ب ئاستەکێ کێمتر تووژاتییێ دخۆن مینا جارەکێ د ھەڤتییێدا.ھەژی گۆتنێیە ئەڤ ڤەکۆلینە لسەر ھەردو رەگەزان ھاتییە ئەنجامدان و ب وەکھەڤی دناڤبەرا ھەردویان دا، و دیاربوویە کو تووژاتی بۆ ئافرەت و زەلامان ھەمان کارتێکرن ھەیە و مفایێ وێ پترە لدەف وان کەسان یێن کو مادەیێن ئەلکوھولی نا ڤەخۆن.ھەر دیسان ڤەکۆلەران تەکەز کرییە سەر وێ یەکێ کو خوارنا تووژاتییان ب رەنگەکێ تایبەت دەلیڤەیا مرنێ و تووشبوونێ ب نەخوەشییێن پەنجەشێرێ و دیسان ب نەخوەشییێن بۆریکێن خوونێ و ھەناسەیێ کێمدکەت.دوبارە، تیما نێڤ دەولەتی ب سەروکاتییا ڤەکۆلەرێن چینی ژ ئەکادیمییا چینی یا زانستنێن پزیشکی، دیارکرن کو بەرھەڤکرنا وان خوارنان یێن کو فلفلێن تووژ دگەل ھەین دھێتە ھژمارتن پاراستن بۆ ساخلەمییا مرۆڤان.ھەژی گوتنێیە، جۆرێ سەرەکییێ فلفلا تووژ یا کو دھێتە ھژمارتن بەلاڤترین و یا ژ ھەموویا پتر دھێتە خوارن ژ جۆرێ “کاپسیاسین”ە یا کو ڤەکۆلەر دبێژن ئەڤ مادەیە دشێت ھاریکارییا نەھێلانا قەلەوییێ بکەت و دیسان ھەودانان، و دیسان دھێتە ھژمارتن مادەیەکێ دژەئۆکسێنەر کو دشێت بەرھنگارییا نەخوەشییا پەنجەشێرێ بکەت.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى