PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sat20012018

سه‌ردێر
Back نووچه‌ بـه‌ش وه‌رزش زاخۆ دێ كه‌مپه‌كێ ل رۆمانیا دانیت

زاخۆ دێ كه‌مپه‌كێ ل رۆمانیا دانیت

بڕیاره‌ سوبه‌ شاندێ تیما ته‌پاپێى یا یانه‌یا زاخۆ ئه‌وا پشكدار دخولا ئیراقێ دا بۆ یانه‌یێن پلا نایاب به‌ره‌ڤ وه‌لاتێ رۆمانیا چیت ب مه‌ره‌ما دانانا كه‌مپه‌كێ بیست رۆژى یێ راهێنانێ، كه‌مپێ ناڤبرى ب سه‌رپه‌رشتییا راهێنه‌رێ تیمێ یێ رۆمانى ئیلیا ستان هێته‌ دانان، مه‌ره‌م ژڤێ كه‌مپى ئه‌وه‌ چه‌ند یاریێن هه‌ڤالینى بكه‌ن و داكو لسه‌ر پێكهاته‌كێ باش راوه‌ستن و بزانن خالێن هێزێ و لاوازیێ چنه‌ و بهێنه‌ چاره‌سه‌ركرن.لدۆر دانانا ڤى كه‌مپى خه‌لیل ئه‌حمه‌د سكرتێرێ یانه‌یا ناڤبرى و سه‌رۆكێ شاندى بۆ رۆژنامه‌یا وار دیاركر و گۆت، ‌پشتى كارگێریێ ئه‌وا پێدڤى بۆ راهێنه‌رێ دابینكرى و چوو كێماسى نه‌هێلیان و لدویف داخازا وى ئه‌ف كه‌مپه‌ هاته‌ دانان، پێنه‌ڤێت پلانه‌كا رێكخستى بۆ ڤى كه‌مپى هاتیه‌ دانانا و رۆژانه‌ دێ دو یه‌كه‌یێن راهێنانێ هێنه‌كرن، ئه‌ڤ كه‌مپه‌ دێ بۆ ماوه‌یێ 20 رۆژان یێ به‌رده‌وام بیت و ده‌هـ رۆژێن ئێكێ تنێ دێ بۆ راهێنانان بیت و پشتى هنگى دێ ده‌ست ب ئه‌نجامدانا یاریێن هه‌ڤالینى كه‌ین، هندى د شیان دابیت دێ یاریێن هه‌ڤالینى هێنه‌كرن و دگه‌ل تیمێن بهێز داكو مفا ژێ بهێته‌ وه‌رگرتن.ژلایه‌كێ دویڤه‌ سكرتێرێ یانه‌یێ دیاركر ژى كو مه‌ باوه‌رییه‌كا باش ب شیانێن یاریكه‌رێن خۆ یا هه‌ى به‌لێ ئه‌ز یێ ل وێ باوه‌رێ راهێنه‌ر دێ داخازا دو یاریكه‌رێن دى كه‌ت، بتایبه‌ت د هه‌ردو هێلێن به‌رگریێ و ناڤین، ئه‌گه‌ر یا پێدڤیبوو دێ داخازا راهێنه‌رێ بجهئینین و ئه‌و كێماسیێن دناڤ رێزێن تیمێ هه‌ین چاره‌سه‌ركه‌ین، ژبه‌ركو مه‌ لبه‌ر ئه‌ڤ ساله‌ هه‌ڤركێن بهێز بین بۆ بده‌ستڤه‌ئینانا خولا ئیراقێ.هه‌ر وه‌سان ناڤبرى دا دیاركرن كو كارگێریێ یاریكه‌ر دیار یاخى جاره‌كا دى په‌یوه‌ندى ب یانه‌یێ كر و هه‌ڤبه‌ستا خۆ بۆ ماوه‌یێ وه‌رزه‌كێ نووكر.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى