PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sat20012018

سه‌ردێر
Back نووچه‌ بـه‌ش ئه‌ده‌ب و هونه‌ر فلمێ‌ “پشت په‌ردێ‌” لسه‌ر ژیانا گه‌نجان هاته‌ وێنه‌كرن

فلمێ‌ “پشت په‌ردێ‌” لسه‌ر ژیانا گه‌نجان هاته‌ وێنه‌كرن


پشتی وان قه‌یرانێن بسه‌ر كوردستانێدا هاتین و هژماره‌كا گه‌نج و لاوێن وه‌لاتی قه‌ستا ده‌ڤه‌ری كوردستانێ‌ كری و هژماره‌كا گه‌نجان ب قاچاغی ب رێكه‌ڤیتن و هه‌روه‌سا هژماره‌ك د دره‌یایێن جیهانێ‌ دا ژیانا خوه‌ ژ ده‌ستدای، هونه‌رمه‌ند و ره‌وشه‌نبیر و ئه‌كته‌رێن كه‌لار فلمێ‌ “پشت په‌ردێ”‌ لسه‌ر ژیانا گه‌نجان به‌رهه‌مئینا.محه‌مه‌د سالح ئه‌كته‌ر و هاریكارێ‌ رێڤه‌به‌رێ به‌رهه‌مى یێ فلمێ‌ “پشت په‌ردێ”‌ بۆ وار راگه‌هاند: سه‌ره‌رای نه‌بوونا چو به‌خشینا ژلایێ حوكمه‌تێ ڤه‌ بۆ تیپ و سه‌نته‌ر و رێكخراوێن مه،‌ لێ‌ مه‌ وه‌ك هونه‌رمه‌ند و شانۆڤان و ره‌وشه‌نبیرێن كه‌لار ده‌ست نه‌دانان و لسه‌ر خزمه‌ت كرنێ د بوارێ هونه‌ری دا به‌رده‌وامین. و گۆتژى، دوماهی كارێ‌ مه،‌ دروستكرنا فلمێ‌ (پشت په‌ردێ‌) یه‌ كو ناڤه‌رۆكا فلمی باس ل ژیانا گه‌نجێ كورد، چه‌وانیا ڤیانا هه‌ڤالى، چوونا گه‌نجان بۆ ژ ده‌ڤه‌ری وه‌لاتێ،‌ بوچێ‌ هه‌ڤال هه‌ڤالێ‌ خوه‌ دهێلیت و دچیت، دكه‌ت. هه‌ر وه‌سا هند جاران ژی هه‌ڤال بووینه‌ رێگر هه‌یا كو هه‌ڤالێ وان ژ رێیا مرنێ‌ په‌شیمان بیته‌ڤه ‌و نه‌چیته‌ ژ ده‌ر‌ڤه‌.محه‌مه‌د سالح خویاژی كر: هه‌روه‌سا به‌شه‌كێ دی یێ فلمى‌ باس ل گه‌نجه‌كێ نوو پێگه‌هشتی دكه‌ت كو داخوازێ‌ ژ مالباتا خوه‌ دكه‌ت بچیته‌ ژ ده‌ڤه‌ری وه‌لاتی و ل ده‌ستپێكێ‌ شه‌ڕ د ناڤبه‌را وان دروست دبیت, هه‌ردیسا بۆ وێ‌ ئێكێ‌ هه‌ڤالێ خوه‌ ژ ده‌ست نه‌ده‌ن، ل رۆژا ژدایكبوونا وی، هه‌ڤالێ خوه‌ دره‌ڤینن و ب چاڤ گرێدایی و پاشان ل پشت په‌رده‌یه‌كێ‌ رۆژبوونا وی ساخ دكه‌نه‌ڤه‌, پاشان دزڤڕینه‌ڤه‌ مال. هاریكارێ رێڤه‌به‌رێ به‌رهه‌مى دیاركرژى، كو مه‌به‌ست ژ دورستكرنا فلمى،‌ نیشاندانا راستیا چوونا گه‌نجانه‌ كو ل ده‌ستپێكێ‌ دچن و پاشان په‌شیمان دبن. محه‌مه‌د سالحى زێده‌ترگۆت: ده‌ستپێكا فلمێ‌ ب نه‌خۆشی و ترس ده‌ستپێدكه‌ت، پاشان ب خۆشی ب دوماهی دهێت. نیشان دده‌ت كو نابیت گه‌نج وه‌لاتێ خوه‌ بهێلن و بچنه‌ ژ ده‌ڤه‌ری وه‌لاتی و دڤێت ڤیان بۆ هه‌ڤال و ئاخا خوه‌ هه‌بیت.محه‌مه‌د سالح گوتژی: فلمێ‌ “پشت په‌ردێ”‌ ژ سیناریۆ و ده‌رهێنانا “محه‌مه‌د سابیر”‌ و هاریكارێ‌ رێڤه‌به‌رێ به‌رهه‌می “محه‌مه‌د سالح”, رێڤه‌به‌رێ‌ نڤیسنێ‌ “سامان مه‌حموود”, ده‌نگ “هه‌لگر عومه‌ر عه‌بدولكه‌ریم”, “شاریو فه‌تحوللا”‌, میكیاج “ئۆژین”, فۆتۆ “ئاراس”ى یه‌. هه‌ر وه‌سا ئه‌ڤ فلمه‌ ژ ئه‌كته‌ریا “عومه‌ر”, “ناسكه”‌, “شكار”, “هه‌وارمان”, “باكو”, “ئوژین”, “نادر” و “محه‌مه‌د سالح”ى یه‌. ئه‌ڤ فلمه‌ نها د قوناغا وێنه‌ گرتنێ دایه ‌و ده‌مه‌ك نێزیك دێ‌ هێته‌ نیشاندان.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى