PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sun20082017

سه‌ردێر

دره‌نگه‌ ل چاكسازیكرنا مه

  • PDF
‌نڤیسین : محه‌مه‌د سدیقره‌نگه‌ هند كه‌س زمانێ منێ زڤر و زیق ب بێ شه‌رمى ببینن ، به‌لێ بێ شه‌رمى وهه‌تكبه‌رى ئه‌وه‌ ده‌ما ئه‌م كونا ژپاته‌ى مه‌زنتر ڤه‌شێرین یان بێژینێ " نه‌خوارى ب سمبێلاڤه‌ ماى " چونكى ئه‌ف خه‌لكێ به‌له‌نگاز و خێر ژخوه‌نه‌دیتیێ كوردستانێ هندى كو دفوكرا واندا ماى ژشه‌ر و هه‌ژارى ونه‌دارى و موعیزى ومه‌قدوریێ پێڤه‌تر نه‌دیتیه‌ ، جاران كه‌سێن خودان بیروباوه‌ر مالا خوه‌ هه‌مى ددانه‌ فروتن تنێ تڤه‌نگه‌كێ پێ بكرن و ببنه‌ پێشمه‌رگه‌ و ل چه‌په‌رێن پێشیێ به‌رگریێ بكن وهنده‌كا ژى نه‌ه و ده‌هـ مال بدویڤ كوردینیێ ڤه‌ دانه‌ خرابكرن و سوتن كو دباوه‌را واندا خوین و خوها سویرا دوهى تێكه‌لى ئێك بوى دێ ئه‌ڤرو قه‌ره‌بویا وان كت ، لێ پشتى ڤێ ژنوى دیاردا گه‌نده‌لیێ یا بناڤێ (مافێ منێ یاسایى یه‌) ده‌ست پێكر ب هه‌مى ره‌نگێن خوه‌ڤه‌ و چ تشته‌ك نه‌ما ژێنه‌گرتى خزینه‌ و باوه‌رنامه‌یێن سه‌خته‌ و دامه‌زراندنێن ب پاداشت و واسته‌كارى  و كه‌مته‌رخه‌مى دخزمه‌تكرنێدا وپله‌ وپوستێن نه‌ ل جهێن ژهه‌ژى و ..هتد.گه‌له‌ك ژمێژه‌ خه‌لك چاڤه‌رێى ڤێ گوتن وبریارا سه‌روكێ هه‌رێما كوردستانێ به‌رێز (مه‌سعود بارزانى) یه‌ ئه‌وا دجڤاتێن جه‌ماوه‌رى و چاڤپێكه‌فتنێن میدیاى دا لدور ده‌رخستنا یاسایا ئه‌ڤه‌ ته‌ژكیڤه‌ ئینات (من أین لك هژا؟) دیاركرى و گه‌له‌ك ئه‌و خه‌لكێ بێ ده‌ستهه‌لات و هه‌ژارێ كوردستانێ دلخوه‌شكر  وهند جاران ژى خه‌لك ڤێ پێنگاڤا ئه‌رێنى ب مینا سه‌رهلدانه‌كا چاكسازیێ دبینن و دیسان گه‌له‌ك پایه‌ بلندێن وه‌لاتى ژى ئه‌وێن كو بو خوارنێ هه‌سپ و قه‌سپ لده‌ف وان ئێك ڤێ بریارا عادیلانه‌ فوكرا وانا تێكدایه‌ وشه‌پرزه‌كرینه‌ وئێدى نزانن دێ چه‌وا كونا ژپاته‌ى مه‌زنتر ڤه‌شێرن.هه‌رچه‌نده‌ پێدڤییه‌ ده‌مه‌ك درێژبا ئه‌ڤ بریاره‌ هاتبا دان ژبه‌ركو ده‌مێن گونجاى تر مه‌هه‌بینه‌ كو ئه‌م وه‌كو حكومه‌ت ل سه‌ر پێت خوه‌ و بێى هه‌بونا هیچ فشاره‌كێ ده‌ره‌كى و روى ب روى بونا هیچ شه‌ره‌كێ ل سه‌رمه‌ چونكى مه‌ بخوه‌ ئه‌ڤه‌ژى یێ كریه‌ هێجه‌ت و خه‌لكێ یێت نه‌دیتى ب چاڤێن خوه‌ دیت ، به‌لێ هه‌ر دیسان ژى ده‌مه‌ ئه‌گه‌ر جه‌نابێ سه‌روكێ هه‌رێمێ ئه‌ڤ یه‌كه‌ بده‌م زانیه‌ و ئێدى بێى گیروكرن لیژنا دویڤچون و چاكسازیێ ده‌ست بكارێ خوه‌ بكت و هه‌مى پێنگاڤه‌كا ویره‌ك باڤێژن بێى ل پێشچاڤ وه‌رگرتنا مروڤاتى و ئاغاتى و خزمه‌تێ و پلێ هه‌روه‌كو جه‌نابێ سه‌روك بارزانى دیه‌ك ژسمینارێن جه‌ماوه‌رى ل دهوكێ ئاماژه‌ بهندێ كرى كو ئه‌و به‌رپرسێ رێزێ ل سه‌روه‌ریا ڤى ملله‌تى نه‌گرت ئه‌و ژى نه‌به‌رهه‌ڤه‌ رێزێ لێ بگرت .ئه‌وا راست بت هه‌تا نها ل ڤى وه‌لاتى وه‌ك پێدڤى دویڤچونا دوسه‌یا گه‌نده‌لیێ نه‌هاتیه‌كرن هه‌تا كو ئه‌م ڤى ولاتى ب تمامى بێخینه‌ سه‌ر رێكا وێ  ، خه‌لكه‌كێ هه‌ى مافێ لێ هاتیه‌ خوران و چ ژپاشه‌روژا خوه‌ و ڤى ملله‌تى نزانت ، ئه‌وا پێدڤى بت دڤێـت هه‌مى خه‌لك پێكولێ بكه‌ن هه‌رچى زانیارى لسه‌ر گه‌نده‌لى ونه‌دادپه‌روه‌ریا چ به‌رپرسه‌كێ هه‌ى بشێن ڤى رولى بگێرن وببنه‌ هه‌ڤكاره‌ك دگه‌ل لیژنا چاكسازیا جه‌نابێ سه‌روكى وسكالایێن خوه‌ توماربكن ودیسان دویڤ چونێ بو پاره‌ و زه‌ڤى و موساته‌حێن بگه‌نده‌لیێ هاتینه‌ بده‌ستڤه‌ئینان بكن ، پێداچونێ دهه‌مى گرێبه‌ستێن ڤه‌شارتى و پروژێن نیڤ تمام و نه‌سه‌ركه‌فتیێن حكومیدا بكه‌ن ، دویچڤونا هه‌مى ناڤێن بن دیوار وهه‌روه‌سا ئه‌و كه‌سانێن ب باوه‌رنامێن سه‌خته‌ بینه‌ خودان پله‌ و پوست بكه‌ن ، سزاى ل سه‌ر وان هه‌مى كه‌ساندا بسه‌پینت ئه‌وێن ب رێكێن نه‌یاسایى مفاداربوین ژلایێ ماددى ومه‌عنه‌ویڤه‌ ، هه‌مى به‌رپرس و رێڤه‌به‌ره‌كێ كه‌مته‌رخه‌م ژكارێ وى دویربێخن و پێداچونه‌كا باش دهه‌مى كه‌رتاندا بهێته‌كرن ب تایبه‌ت ژى ساخله‌مى و په‌روه‌ردێ و خواندنا بلند دا.هه‌ر چه‌نده‌ ئه‌ز ڤێ بخه‌ون دبینم لێ ئه‌گه‌ر نیڤا ڤێ ژى بهێته‌كرن دێ گه‌له‌ك باش بت و جهێ خوه‌ گرت وه‌ك چه‌وا هوزانڤان (د.به‌درخان سندى) دهوزانه‌كا خوه‌دا دبێژت (گوتناته‌ موقه‌ده‌سه‌ ئه‌زبه‌نى كه‌س ب سه‌ر یاسا ناكه‌ڤت ، لێ وه‌نینه‌ ئه‌زبه‌نى واسته‌ ب سه‌روێرا دكه‌ڤت) لێ دیسان ژى مه‌هیڤى خودێ و جه‌نابێ سه‌روكێ هه‌رێمێ یه‌ ئێدى شه‌فاعه‌تێ بو كوردستانیان بكه‌ت و ده‌ستێ گه‌نده‌ل و گه‌نده‌لكاران ژى ژ پاشه‌روژا ڤى ملله‌تى قوت بكه‌ت.

LAST_UPDATED2

7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى