PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sun20082017

سه‌ردێر
Back نووچه‌ بـه‌ش كوردستانی جۆن کێری نامەیەک ژبۆ سەرۆکێ هەرێما کوردستانێ هنارت

جۆن کێری نامەیەک ژبۆ سەرۆکێ هەرێما کوردستانێ هنارت

وەزیرێ دەرڤە یێ ئەمریکا یێ بەرێ جۆن کێری, نامەیەکێ بۆ مەسعوود بارزانی سەرۆکێ هەرێما کوردسانێ دهنێریت، د وێ نامەیێ دا تەکەز ل سەرهەڤپەیمانییا ئەمریکا و هەرێما کوردستانێ کر و خەبات و قۆربانیدانا پێشمەرگە و گەلێ کوردستانێ بلند نرخاند.
ژێدەرەکێ تایبەت کۆپییەک ژ نامەیا جۆن کێری بۆ وارمیدیا هنارتییە کو وەزیرێ دەرڤە یێ ئەمریکا یێ بەرێ، ب هەلکەفتا دوماهی هاتنا پۆستێ وی ل سەر دەمێ دەستەهەلا سەرۆکێ بەرێ یی ئەمریکا باراک ئۆبامایی، ئەو نامەیە ژبۆ سەرۆکێ هەرێما کوردستانێ نڤیسایە و تێدا دبێژیت: د دەمەکی دا کو ئەز خوە بەرهەڤ دکەم پۆستێ خوە ب جهـ بهێلم، دخوازم ئاماژەیێ ب وان کەسایەتییێن بێ وێنە بدەم یێن من ل دەمێ چوار سالێن بۆری وەک وەزیرێ دەرڤە یێ ئەمریکایێ دیدار و هەڤپەیڤین دگەل دا کرین، د وێ نامەیێ دا، کێری قۆربانیدان و خەباتا پێشمەرگەیی و هەرێما کوردستانێ بلند دنرخینیت.
نامەیا وەزیرێ دەرڤە یێ ئەمریکا جۆن کێری بۆ مەسعوود بارزانی سەرۆکێ هەرێما کوردستانێ:
رێزدار مەسعوود بارزانی
سەرۆكێ هەرێما کوردستانا ئیراقێ
د دەمەکی دا کو ئەز خوە ژبۆ ب جهـ هێلانا پۆستێ خوە بەرهەڤ دکەم، ئەز دخوازم ئاماژەیێ ب وان کەسایەتییێن بێ وێنە بدەم، یێن من ل دەما چوار سالێن کارکرنێ وەک وەزیرێ دەرڤە یێ ئەمریکا هەڤدیتن دگەل وان دا کرین، هوونێن برێز د هەمی وان دەمێن سەخت یێن دەربازبوویی دا هەڤپەیمانێن بهێز و هەڤالێن جهێ باوەرییێ بوون، هێزین هەوە یێن پێشمەرگەیی گەلەک ئازایانە دجەنگین، ژبەر وێ یەکێ ئەز  قۆربانیدانا پێشمەرگەیی و خەلکێ کوردستانێ د خەباتا وان یا بەردەوام دا ژبۆ ژناڤبرنا داعشێ بلند دنرخینم.
ئەز سوپاسییا هەوەیێن برێز و خەلکێ هەرێما کوردستانێ دکەم کو ل سەردەمێ تاوانێن داعشێ هەوە پێشوازی ل نێزیکی دو ملیۆن پەنابەرێن سوری و ئاوارەیێن ناڤخوە یێن دەڤەرێن دی یێن ئیراقێ کرین، پشتگیرییا هەوە یێن برێز ژبۆ نەتەوە و ئاینێن جودا دێ د پاشەرۆژا خوەشگۆزەرانییا هەرێما کوردستانێ دا پشکدار بیت.
پەیوەندییا بهێز یا د ناڤبەرا هەرێما کوردستانێ و ویلایەتێن هەڤگرتی یێن ئەمریکایێ دا بلند دنرخینم، من باوەرییەکا تەمام هەیە کو پەیوەندییا هەردو ئالییان دێ بهێز بمینیت، ئەز ئاشتی و پاشەرۆژەکا گەش و سەرکەفتنێ ژبۆ ب جهـهاتنا هیڤیێن هەوە یێن برێز دخوازم.
دگەل رێزێن من…
جۆن کێری
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى