PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sun20082017

سه‌ردێر
Back راپۆرت راپـورت دڤێت پەکەکە و ھەدەپە پێداچوونەکێ د سیاسەتا خوەدا بۆ ئاشتیێ بکەن

دڤێت پەکەکە و ھەدەپە پێداچوونەکێ د سیاسەتا خوەدا بۆ ئاشتیێ بکەن

ئەندامەکێ سەرکرداتیا ئێکگرتوو ئیسلامی کوردستان دبێژیت، ئەو رەنگێ پێشوازیکرنا تورکیا ل (بارزانی ) ھاتیە کرن، دانپێدانە ب کەتوارێ ھەرێما کوردستانێ، ھەروەسا ئاماژەدا ھندێ، کو پێدڤیە (پەکەکە) و (ھەدەپە) پێداچوونەکێ ب سیاسەتا خوەدا بکەن، بۆ ھندێ دانوستاندنێ ل گەل حوکمەتا تورکیا بکەن و قۆناغ بۆ قۆناغ کێشێن کوردان چارە بکەن.ئەندامێ سەرکرداتیا ئێکگرتوو ئیسلامی کوردستان (بەھزاد زێباری) ھەروەسا راگەھاند، ددەمێ سەد سالێن بۆری دا چو حوکمەتەک نەبوویە ھندە رێزێ ل کوردان بگریت، ھەر بەری 15 سالان ژی بتنێ ئێنانا ناڤێ کوردستانێ ل وەلاتێ تورکیا یێ قەدەغەبوو، بەلێ ئەڤرۆ ئەم دبینین د سەرەدانێن فەرمیێن سەرۆکێ ھەرێما کوردستانێ دا، ئالایێ کوردستانێ ب رەخ ئالیێ تورکیا ڤە دھێتە ھلدان، ئەڤەژی نیشانا دانپێدانەکا راستەوراستا ب کەتورای ھەرێما کوردستانێ.بەھزاد زێباری ھەروەسا گۆت: ھندەک پاشڤەکێشان ل سەر پرۆسا ئاشتیێ ھەبوون، کو چەند سالەکێ بەری نوکە دەستپێکربوو، ھیڤدارین جارەکا دیتر ئەو پرۆسە دەست پێکەتڤە و (پەکەکە ) و (ھەدەپە) پێداچوونەکێ ب سیاسەتا خوەدا بکەن، بۆ ھندێ بشێن قۆناغ بۆ قۆناغێ بەر ب پێشڤە بچین، وەکی چەوا ھەرێما کوردستانی ددەمێ 26 سالایە قۆناغ بۆ قۆناغێ پێنگاڤ ھاڤێتینە و گەھشتیە ڤێ قۆناغا نوکە ئەم تێدا دژین، کو د ھەموو بیاڤەکی دا بەر ب سەربخوەیێ پێنگاڤان دھاڤێژین.زێباری ل دووماھیێ خوەیاکر، نوکە دەولەتا تورکیا کارتێکرنا ل سەر ھەر چوار پارچێن کوردستانێ ھەیە، ھەکە دانپێدانێ ب ھەرێما کوردستانێ بکەت، پاشی بۆ پارچێن دیتر ژی کوردستان دێ پێنگاڤان ھاڤێت.
شیرەتکارێ نێچیرڤان بارزانی بۆ پرسا رۆژئاڤایا کوردستانێ، سەبارەت گرنگیا سەرەدانا (بارزانی) بۆ وەلاتێ تورکیا دبێژیت، وەرچەرخانەکا مەزن د پەیوەندیێن ھەرێما کوردستانێ و وەلاتێ تورکیا دا پەیدابوویە.موستەفا شەفیق شیرەتکارێ سەرۆکێ حوکمەتا ھەرێما کوردستانێ بۆ مالپەرێ پارتی دیموکراتی کوردستان گۆت: سەرەدانا بارزانی بۆ کونگرێ میونخ و پاشی بۆ فەرەنسا و تورکیا، وێ چەندێ دیار دکەت کو دپلوماسیەتا کوردان بەردەوام یا دگەشەکرنێ دا، ئەو گەشەکرن ژی ل وی دەمی دھێت کو پرسا سەربخوەیا ھەرێما کوردستانێ و پرسا ئازادکرنا مووسلێ و پرسا رزگارکرنا رەققە و رۆژئاڤایا کوردستانێ د رۆژەڤێ دانە، زێدەباری پرسا پارتا کرێکارێن کوردستانێ و پرسا چارەکرنا کێشا کوردێن باکوورێ کوردستانێ، پرسا پەترۆل و وزێ د مەیدانێ دایە و کومەکا دیا بابەتێن گرنگ دناڤبەرا تورکیا و ھەرێما کوردستانێ دا ھەنە، کو ھەموو ئەو بابەت دگرنگن، بەلێ یا ژ ھەموویان گرنگتر پرسا سەربخوەیا ھەرێما کوردستانێ یە.شرۆڤەکار و شیرەکارێ سیاسی ھەروەسا گۆت: د سیاسەتا نوو یا ئەمریکا دا ژمارەکا گوھۆڕینان د رۆژھەلاتا ناڤەراتس دا ئاشکرا دبن، دڤێ سیاسەتا نوودا رۆلێ ھەرێما کوردستانێ رۆلەکێ گەلەک تایبەتە، نەوەک رۆلێ ئالیێ سوونی یە یان ئالیێ شیعی یە، ئەو رۆل ژی یێ گرێدایە ب سەرۆک بارزانی ڤە، لەورا سەرەدانا نوو یا سەرۆک بارزانی بۆ تورکیا داشتنەکا نوویە بۆ ھەڤسەنگیان و نەخشەیێ نوویێ رۆژھەلاتا ناڤەراست، ھەر چەندە دڤێ ھەڤکێشا نوودا، ئەم پلە ئێک نینە، بەلێ بڕیارێن وانا بیێ ھەرێما کوردستانێ ژی سەرناگرن، لەورا کوردستان یا بوویە سەنگەکا ب ھێز د گوھۆڕنێن دەڤەرێ دا.موستەفا شەفیق ھەروەسا دیارکر، نوکە سیاسەتا سەرۆک بارزانی یا بوویە ناڤەندا بڕیارێ، ھەولێر سەنتەرێ وێ ناڤەندێ یە، بتایبەتی ل سەر پرسا رۆژئاڤایا کوردستانێ و چو بڕیارێن دیتر د سەرکەفتی نابن، ھەکە بۆ لایێ سەرۆک بارزانی نەڤەگەرن، ل باشوورێ کوردستانێ سەرۆک بارزانی سیاسەتەکا ب ھێز بکاردئینیت، ل باکوورێ کوردستانێ ژی سیاسەتا بارزانی سەر کاروانێ پرسا ئاشتیێ یە، لەورا ل گۆر ڤێ دیتنێ تورکیا گەلەک گرنگ ب ھەلویستێ سەرۆک بارزانی ددەت.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى