PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Sat20012018

سه‌ردێر
Back نووچه‌ بـه‌ش كوردستانی ئالۆزیێن ئیرانی عەبادی نەچار کریە بھێتە پێش

ئالۆزیێن ئیرانی عەبادی نەچار کریە بھێتە پێش

عەرەفات کەریم، سەرۆکێ فراکسوونا پارتی ل پەرلەمانێ عیراقێ راگەھاند، ھەموو فڕاکسوونێن کوردی ل پەرلەمانێ عیراقێ ئێک دەنگ و ئێک ھەلویستن و گۆت: حوکمەتا ھەرێما کوردستانێ ب ھەموو شێوەیان رازی یە کو پابەندێ دەستوورێ عیراقێ بیت، بەلێ ھەتا نھا عیراق نەیا بەرھەڤە کو کێشەیێن د ناڤبەرا ھەولێر و بەغدا ب دەستووری چارەسەر بکەت بەلکو بتنێ گوتنەکە لسەر ئەزمانی دبێژن و کریار بو نینە، ھەر بوو نموونەھا ھەتا نوکە 50 برگەیێن دەستوورێ عیراقێ نەھاتینە بجھئینان کو ئەڤ یەک ژی بنپێکرنەکا روون و ئاشکرایە بەرامبەر دەستووری دھێتەکرن و بجھکرنا وێ دکەڤیتە ژێر پرسیارێ ، و دەستوورێ عیراقێ وەکو خارنگەھەکێ لێھاتیە و ھەرکەس دەما دچیتە خوارنگەھێ لدوڤ دلێ خوە داخوازا خوارنان بکەت ، و ھوسا عیراق وان برگان بجھدکەت کو بو عیراقێ و بەرژەوەندیێن وێ باش بیت.
سەرۆکێ فڕاکسیۆنا پارتی ھەروەسا گۆت: ئەم وەکو پەرلەمانتار دویر ژ کارێ سیاسی ، بەلکو بتنێ وەکو رێخوشکەر ب رێیێن قانونی بزاڤێن خورت دکەین ژ بو وێ یەکێ کو ب چوو شێوەیان بیت دانوستاندن دناڤبەرا ھەولێر و بەغدا بھێنەکرن و رێکێ نادەین کو چوو برگە و ماددەیێن نە دەستووری و ھەڤدژ دەربازببن، و ئەگەر دەستوور نەھێتە بجھکرن دێ سەروەری و ئێکگرتوویا عیراقێ کەڤیتە ژێر پرسیارێ ، و مەترسی سەر پێکھاتەیێن عیراقێ درۆست دکەت.
عەرەفات کەرەم دیارکر، ھەتا نوکە عیراقێ ھەڤپشکی قبوول نەکریە و ل گەل ئێکگرتنێ ژی نینن، ئەگەر د ھەڤکێشا عیراقێ دا کورد ھەموو ئێکگرتی بن، عیراق نەشێت چوو کارتێکرنان ل کوردان بکەت، د وەختێ خودا کوردان زور ھەڤگاریا عەبادی کریە، و بەلێ پابەندنەبوونا وی رەنگە کوردان ل سەر وێ پشتەڤانیێ پەشێمان بکەت، و نوکە دژاتیکرنا کوردان ل عیراقێ بویە مودێل و ھەر کەسێ پتر دژاتیێ بکەت دێ پتر دەنگان دەستخوڤە ئینیت، بەلێ دبەرامبەر دا پێگیربوونا کوردان ب دەستوور و پێشوازیکرنا وان دێ بیتە سەدەم کو پێگەھێ کوردان بھێزت بکەت ب تایبەتی دبلوماسیەکا دەرڤە ژ بەرکو چاڤدێریەکا نیڤدەولەتی یا باش لسەر عیراقێ ھەیە.
ناڤبری رەخنە ل شێوازێ ھەلویست و رەفتارێن سیاسیێن کوردان گرتن، و دیارکر کو کوردان چوو پەیام و ھەلویستێن روون نینە و گۆت: ل عیراقێ دیموکراسیەت بوویە قوربانیێ ئایدولوژیان ب تایبەتی شیعا زور پێنگاڤێن نەرێنی ل سەر پێگەھێ سیاسی ل عیراقێ کرینە.
ل بارا وێ یەکێ بوچی عەبادی نوکە رەفتار و ھەلویستێن خوە بارا ئەنجامدانا دانوستاندنان ل گەل ھەولێرێ گوھۆرینە و باشتر دھێتە پێش، سەرۆکێ فڕاکسوونا پارتی خوەیا کر، لەزاتیا عەبادی یا نوکە ھەموو ژ بەر گڤاشتنێن نێڤدەولەتی یە و ئالوزیێن ئیرانێ ، و نێزیکبوونا ھەلبژاردنان، دەستکەفتنا نیڤا داھاتیێ ھەرێمێ ژلایێ عیراقێ ڤە ، مەزنترین خالێن پێشڤەھاتنا عەبادی نە ژ بوو دانوستاندنان ، لڤێرە گرنگە کورد سەر رەزامەندیا خوە بو دانوستاندنان بەردەوام بن ژبەر کو ئەڤ یەک دێ پێگەھی َکوردان ل دەرڤە ب ھێز کەت.
سەرۆکێ فراکسوونا پارتی ل بارا تاوانکاریێن ل کەرکوک و ئاکنجیکرنا تورکمانێن شیعە ل جھێ کوردان گۆت: ئەو تورکمانێن کو شوونا کوردان ھاتینە ئاکنجیکرن تورکمانێن شیعە بخوە نە و ژ لایێ وان بخوە ژی ڤە ھاتینە ئاکنجیکرن، بەلگەیێن زور سەر تاوانکاریێن وان و حەشد شەعبی و ھێزێن عیراقی ھاتینە کومکرن بەرامبەر کوردان و خراپکرنا مالێن وان، دێ دوڤچوونێن زێدەتر لسەر ھێنەکرن و دەمەک نێزیک دێ ھێنە بلندکرن بو جیھانا دەرڤە.
سەبارەت ھەلویستێ سونیان عەرەفات کەرم دبێژیت: ھەتا نھا سونەیان چوو ھەلویستەکێ روون و بەرچاڤ نەبوویە، ئەوان چو مەرجەع نینە کو وان لژێر ئێک ھەویست و بۆچوون کوم بکەت، بەلێ ل گەل عیراقێ د ئێک ھەلویستن دژی کوردان.
7504587443 (0) 964+
gharib.hasan100@gmail.com
زاخۆ/ ئاڤاهیێ لقێ ٨ێ پارتى