PDK ZAXO

  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show
  • VTEM Image Show

Wed29032017

سه‌ردێر

بۆچوون

دره‌نگه‌ ل چاكسازیكرنا مه

‌نڤیسین : محه‌مه‌د سدیقره‌نگه‌ هند كه‌س زمانێ منێ زڤر و زیق ب بێ شه‌رمى ببینن ، به‌لێ بێ شه‌رمى وهه‌تكبه‌رى ئه‌وه‌ ده‌ما ئه‌م كونا

هزار گوتن نه مبه را مبه ر كرياره كئ ژنهو ويڤه


محمد مراد ........پشتى په ياما سه روك بارزانى جه ماوه رئ كوردستانئ هه مى دلخوشن و جافه رئ حزب و لا يه نيت سياسى نه ليك خرفه ببه ن

دئ هه ر ده وله تئ راگه ينين



محمد مراد ......ده وله ت ئه و خه ون و هيفيا مليونا كوردا دئ هه ر هيته راگه ياندن ج ئه فرو بيت يان صوبا ده ستا لئ نا به ردين و دئ هه رخه بات

دژایەتی بەرامبەر پارتی و بارزانی، ڕێگری ئاشکرا بۆ نەبوونی کیانی کوردی!


خەبات و خزمەتکی پاک و دڵسوزانە نێو سەدەیەك، رێزگرتن لە هەمو چین و ئایینەکان، ڵیبوردن لە پێناو بەرژەوەندیێەکانی گشتی گەلی کورد،

بلا ریفراندوم ژ ده‌رڤه‌ى ململانێ به‌


دوزا سه‌رخوه‌بونا كوردستانێ و ریفۆاندومێ دوزه‌كا نه‌ته‌وه‌ى و نیشتبمانى یه‌ و خه‌ونه‌كا كه‌ڤنار و دێرین و پیروزا هه‌رتاكه‌كێ كورده‌ پترى سه‌دسالانه‌ گه‌له‌ك خه‌ونێ

كورد ڤێ جارێ دێ وانه‌یه‌كێ وه‌رگرن؟؟

ب دژاتیكرنا هه‌ڤدوو و لهه‌ڤ نه‌هاتنێ و دژبه‌ریێ و ركابه‌ریێ ب ده‌هان فرسه‌ند كوردان ژ ده‌ست داینه‌ و

بارزانى ورێفراندووما ده‌وله‌تبوونێ


هنده‌ك نه‌ته‌وه‌ وجڤاكێن خودان خاك وزمان بێ ده‌وله‌ت ماينه‌ ئه‌وژى مينا ملله‌تێ كورده‌ وهه‌ر بدرێژاهيا مێژوويێ سه‌رده‌مێ شه‌رێ ده‌وله‌تا عوسمانى

پارتییا هه‌رى باش

سه‌ركه‌فتن  ده‌رفه‌ت وكاره‌كى دژواره‌ و هندى كو به‌ر ب ئاستێن بلندتر ڤه‌ دچه‌ ،هه‌ڤركى خورتر و دژوارتر دبه‌ ،هزر و كریارێن پوزێتیف هێڤێنێ بده‌ستڤه‌ ئینان و پێشڤه‌برنا سه‌ركه‌فتنێ یه‌ ،دهه‌مان ده‌م دا هزرو كریارێن نه‌گه‌تیف ژى دبن خه‌تێ سه‌ركه‌فتنێ و ئاڤاكرنێ دا دمینن ، ورێ لپێشیا تێكدان و ته‌نگه‌زاریێ ڤه‌دكن ،هه‌لبه‌ت یێ كو دخوازه‌ مرۆڤایه‌تى ،وه‌لاتپارێزى و كوردایه‌تى به‌رب پێشڤه‌ ببه‌ ، رییا باشیێ و قه‌نجیێ بشوپینه‌ و ئارمانج و داخوازى و به‌رژه‌وه‌ندیێن ملله‌ت  و وه‌لاتى بده‌ست ڤه‌ بینه‌ ،پێتڤێییه‌ كوخودان  پرۆژه‌ و هزرێن چێكرن و ئاڤاكرن و ئافراندنێ به‌ ،و بقاسى مه‌زنبوونا ڤان هزرێن خوه‌ ژى خودان پلان و ستراته‌جیه‌كا بهه‌ڤه‌گرێداى  ساخله‌م و نه‌رم به‌ ، هه‌روه‌ها خودان مێتود ،ته‌كنكیك ، ته‌كتیك ، مه‌كانیزمه‌ و شێوازه‌كى پراكتیزه‌كرنێ ،یێ گه‌له‌ك مودێرن ونه‌رم وبته‌حه‌مول یا ڤان هزرو پرۆژه‌یان به‌ ،پارتى یان رێكخراوا پتریا كه‌نال و ده‌رامه‌تێن رێكخراوێ بتنێ بو هێرشكرن و ره‌خنه‌كرنا ئالیێن دژبه‌ر ته‌رخان بكه‌ ،و ته‌ڤایا كار و خه‌باتا رێكخراوێ بێخه‌ خزه‌مه‌تا ڤێ كریارێ ،ژ ئالیێ دژبه‌ر پتر خوه‌ دئێخیته‌ ته‌نگاڤیێ و سوبجه‌كتیف دژاتییا خوه‌ دكه‌ ،دهه‌مان ده‌م دا راستییا ڤێ  رێكخراوێ دده‌ نیشاندان ،كانێ چقاس پێشكه‌فتییه‌ و تا چى رادده‌یێ هه‌ڤسه‌نگه‌ و بمێژیه‌كى ساخله‌م و دورست ته‌ڤدگه‌ره‌ ، و د وارێ به‌رهه‌م ئینانا پروژه‌یێن سیاسى ،ئابورى ، جڤاكى ، زانستى و.. هتد دچى ئاسته‌كى دا یه‌ ،وه‌كى راستیه‌كا دیرۆكى و زانستى رێكخراوێن كورێژه‌یا پرۆژه‌ و به‌رهه‌مئینان و سه‌ركه‌فتنێن وان دئاستێ پێتڤى دا تێنه‌ بجهئینان ، هێرشێن ره‌خنه‌كرن و ئازراندن و ره‌شكرنێ ،دڤان جۆره‌ رێكخراوان  دا به‌ر ب سفربوونێ ڤه‌ دچن ،به‌ره‌ڤاژى ژى  رێكخراو و پارتیێن ده‌ست ڤالا و دوارێ به‌رهه‌مئینان و پرۆژه‌یان دا لاواز ،یێن كو خوه‌ دسپێرنه‌ گوتن و سۆزێن تێوریك یێن ڤالا ، ڤێ ڤالاتى و لاسه‌نگییا خوه‌ ب ره‌خنه‌كرن و ره‌شكرنا ئالیێن به‌رامبه‌ر (ئالیێن سه‌ركه‌فتى ) و گه‌له‌ك بهانه‌یێن دن یێن بێ بنگه‌ه و سه‌ته‌ور ئیزاح دكن و ڤه‌دشێرن ،دبه‌ كو هنده‌ك رێكخراو جارنا نكاریبن ئارمانج و پرۆژه‌یێن خوه‌ بجهبینن ودئه‌نجام دا توشى بنكه‌فتنێ ببن ،به‌لێ مه‌ترسى وزیانێن مه‌زنتر دخوه‌ ناسنه‌كرن و خاپاندنێ دایه‌ ،گاڤا كو هزر دكن سه‌ركه‌فتى نه‌ ، گاڤا كو نكاریبن ڤێ راستییا خوه‌ ناسبكن ،و به‌ره‌ڤاژى سه‌ده‌مێن ڤێ بنكه‌فتنا خوه‌  به‌رده‌وام د ئالیێن سه‌ركه‌فتى دا دبینن ،به‌رده‌وام وان دكنه‌ په‌ردا ڤه‌شارتنا ڤێ بێچاره‌تى و بنكه‌فتنا خوه‌ ، رێكخراوا ڤێ دكه‌ د كریارا بنكه‌فتنێ دا ئیسرار دكه‌، و تێوریزه‌كرنا بنكه‌فتنێ دكه‌ و دخوازه‌ ئه‌ندام و ئالیگرێن خوه‌ ب بنكه‌فتنێ رازى و قانع  بكه‌ ،هه‌روه‌ها كه‌ساتیه‌كا مازۆشیست و ئالوده‌یێ ئیدمانا بنكه‌فتنێ بده‌ چێكرن ،بێ گۆمان به‌رده‌وام كرن و دووباره‌كرنا هشمه‌ندى  وتێورى و پراكتیكه‌كا دبه‌ بنكه‌فتنێ، نه‌ بتنێ كاره‌كى نه‌یێ رێشنال و  قرێژ و دژبه‌ر و ب زیانه‌ ،به‌لكو لیسكاندن و بهه‌روه‌ دانا ده‌رامه‌تێن وه‌لاتى ،و ژه‌هره‌كرنا هزروبیر و ژینگه‌ها تاك وجڤاكێ وپروسێسا سیاسى و ئابورییه‌ دوه‌لاتى دا   .

بتنێ خیتابه‌ت كرنا ژینگه‌ها خوه‌ یا هوندرین ، ئه‌ندامێن دسنوورێ رێكخراوا خوه‌دا ،رێكخراوێ به‌ر ب ڤه‌ده‌ربوون ،ته‌نگاڤى ، خه‌تماندنێ و ئالوزیێ ڤه‌ دبه‌ ،و ده‌رزا دناڤبه‌را رێكخراوێ و گه‌ل و ژینگه‌ها ده‌رڤه‌دا هندى كو دچه‌ مه‌زنتر دكه‌ ، وتێكه‌لى و په‌یوه‌ندى و كارلێككرنا (ته‌فاعلا ) دناڤبه‌را وان دا سست ولاواز دكه‌ ،تێكدانا هه‌ڤسه‌نگییا دناڤبه‌را ژینگه‌ها ده‌رڤه‌ و هوندرین ، هه‌ڤسه‌نگیا رێكخراوێ تێكدده‌ و رێكخراوێ به‌ره‌ڤ لاوازى و ته‌نگه‌زاریێ ڤه‌ دبه‌،دیفاكتو كرن و كلتوریزه‌كرنا پولینكرنا هزر و ئاره‌سه‌ته‌كرنێن سیاسى ،دمێژى و ژیوارێ تاك و جڤاكێ دا ،شێواندن و پێلیسكاندن و سه‌روبن كرنا پرۆسێسا سیاسییه‌ دوه‌لاتى دا ، مینا مودێلێن پێشڤه‌رۆ هه‌روه‌كى ب ئاوایه‌كى زكماكى هنده‌ك هزر ولایه‌ن باش و باوه‌ر پێكرى بن ،دبه‌رامبه‌ر دا ئالیێن دن خراب و ئێكسپایه‌ر بن ،وه‌كه‌ نموونه‌ نها ژى پولێن كرنا ژیوارێ سیاسى یا كو به‌رماییكێن پاشخانه‌یا هزر و هه‌ڤركیێن سه‌د سالێن بورین وشه‌رێ سار و سوسیالیزمێ و سوڤیه‌تا به‌رێ نه‌ ، هێشتا ژى وه‌كه‌ چاڤكانى و كلتور  دگه‌له‌ك تاك و جڤاكێن پاشداماى دا سه‌رده‌ستن ،یاراست ئه‌وه‌ هه‌ر پارتى ورێكخراو دناڤا بازارێ سیاسى دابه‌ ، یان یێ ئابورى دا به‌ ،ب به‌رهه‌م و ئه‌نجام و پێشكێش كرنا خزمه‌تێن خوه‌ڤه‌ بێنه‌ هه‌لسه‌نگاندن ،ژ پاشخانه‌یا هزرى و دیرۆكى زێده‌تر به‌رهه‌م وئه‌نجامێن وێ دنها و ئایه‌ندێ دا بێنه‌به‌رچاڤ كرن ،ره‌شكرن و نه‌شرین نیشاندنا خه‌لكێ ،و نه‌دیتنا شاشتى و كێماسیێن خوه‌ گوپیتكا ئیدیالیزم و تاكره‌وى و نیفاقێ یه‌ ، مخابن رێكخراوا ڤێ بكه‌ بتنێ خوه‌ دخاپینه‌ ،و د داویێ دا دێ دناڤا ڤێ كین ونه‌فره‌ت و هه‌لبرین و مونته‌كرنا ڤان هزر و هه‌ستێن نه‌گه‌تیف دا ، ته‌نگه‌زار ببه‌ و ب شكه‌ستن و هه‌لوه‌شاندنێ ڤه‌ روو بروو بمینه‌ ،ئه‌ڤه‌ راستییه‌كا دیرۆكییه‌ یێ كو لسه‌ر خوینێ و نه‌گه‌تیفیزم و ره‌شكرنێ سیاسه‌تێ بكه‌، دێ هه‌مان هه‌نجامان بده‌ستڤه‌ بینه‌ .

دلیتراتورا سیاسى دا پترییا جاران پارتیێن ئوپوزسیون ،دخوازن خوه‌ باش و بێگه‌رد بدن خویا كرن ،لسه‌ر بنیاتێ ئاراسته‌كرن و كه‌نالیزه‌كرنا هه‌مى نه‌رازیبوون و دژایه‌تییا خه‌لكێ به‌ر ب پارتیێن ده‌ستهه‌لاتدار یان ده‌ستهه‌لاتێ ڤه‌ ،د سسییا پێ لیسكاندن و ئاراسته‌كرنا بالكێشییا خه‌لكێ  دا، شاشتى و كێماسى و خرابیێن خوه‌ ڤه‌دشێرن ، هنده‌ك رێكخراو خوه‌ دبه‌رگه‌كى خێرخوازى دا ددن دیاركرن ، هه‌روه‌كى ئه‌ڤ پارتییه‌ دریا خودێ دا بتنێ ژبوى خزمه‌تكرنا گه‌ل هاتبنه‌ ئاڤاكرن و كار دكن ،ئایا دبه‌ كو رێكخراوه‌كا سیاسى چو به‌رژه‌وندى و ئارمانجێن سیاسى نه‌بن ،و ئارمانجا وان نه‌ گه‌هه‌شتنا ده‌ستهه‌لاتێ به‌ ،یان رێكخراوه‌كا ئابورى دبه‌ كو ئارمانجا وێ نه‌ بده‌ستخستنا قازانجێ به‌ ، ئایا دبه‌ كو به‌رده‌وام ئارمانج و به‌رژه‌وندیێن رێكخراوا سیاسى موتابقى هه‌مان ئارمانج و به‌رژه‌وندیێن گه‌ل بن ؟؟!، ئه‌گه‌ر كو دكارێ سیاسى یان ئابورى دا بال تێته‌ كێشان بو سه‌ر مگرتییه‌كا وه‌ها،بوچى هه‌مان رێكخراو نكاره‌ ته‌ڤایا پشته‌ڤانى و هاریكاریا گه‌ل بده‌ستڤه‌ بینه‌ !!وڤان خزمه‌تیێن خوه‌ یێن مرۆڤاتى و  وه‌لاتپارێزى پێشكێش بكه‌ ،یان هه‌رى كێم بوچى ئه‌ڤ رێكخراو دناڤا خودێ رێكخراوا خوه‌دا ،ڤێ پارادیگمایا خوه‌یا هنده‌ خورت و دخێرا پێشڤه‌برنا تاك و جڤاكێ دا بجه ناینه‌ ؟!هه‌ر پارتییه‌ك نموونه‌یه‌كا زیندى و بچووكه‌ د ره‌نگڤه‌دانا هزر و بیر و تێز و بروژه‌یێن خوه‌یێن جودا جودا دا ،كلتور و ژینگه‌ها هوندرین و جڤاكێ ناڤا  رێكخراوێ ،گه‌له‌ك بباشى ره‌نگڤه‌دان و ده‌ربرینێ ل خه‌ون ، ستراتیجیه‌ت ، ئاراسته‌ و هشمه‌ندییا نوكه‌ و ئایه‌نده‌ییا رێكخراوێ دكه‌ ،یێ كو تشته‌ك دهوندر خوه‌دا نه‌به‌ ،نه‌ مومكنه‌ كو بكاریبه‌  وى تشتى  دده‌رڤه‌دا بده‌ ئافراندن و ئاڤا بكه‌ ،پارتى و رێكخراوێن ئیدولوجیك ،تاك ره‌و و ئیدیالیست به‌ره‌ڤاژى كریارێن خوه‌  دئارمانج و بیروباوه‌ر و تێزێن خوه‌ دا گه‌هه‌شتنا جڤاكه‌كى ئازاد و یه‌كسان و پرى عه‌داله‌ت ،و ئاستێ پرسگرێك و ئارێشه‌یان تێدا سفر به‌ ددن نیشان دان ،دبنه‌ره‌ت دا ئه‌ڤ ماتور و دینامیزما په‌یداكرن و بگه‌رن خستن وبكارئینانا هێزێ یه‌ ل جه‌م وان ،دهه‌مان ده‌م دا گوپیتكا دژبه‌رایه‌تى وخاپاندن و هه‌ڤركییه‌كا حه‌تمییا بێ داوییا ڤالایه‌ ،نه‌ د دیرۆكێ دا نه‌ ژى نوكه‌ ونه‌ژى ئایه‌ندێ ئه‌ڤ تێز و ئارمانجێن وان بجه هاتینه‌ ونه‌ ژى بجه تێن، و ژهه‌ركه‌سێ باشتر ژى ئه‌و ڤێ راستیێ دزانن ،ئه‌ڤه‌ بتنێ ئیدیال كرن وخه‌یال په‌رستى كرنا مژاران ،و گه‌رمكرنا بازارێ ژرێده‌رخستنا هشمه‌ندى و پرۆژه‌یێن سیاسییه‌ ، ته‌ڤه‌زاندن ،خستنا خه‌وێ  و بكارئینانا هه‌ژارنه‌ ،و ئومێدا خه‌ون دیتنا بژیانه‌كا باش و بجه هاتنا ڤان ئارمانجان ڤه‌یه‌،گوركرنا بێزارى و تویژكرنا وانایه‌ به‌رامبه‌ر ژیوار و  راستییا هه‌ى.

رێكخراو و گرۆپێن  دده‌رڤه‌دا ژهه‌مییان دژوارتر  و رادیكال تر دره‌خنه‌ و ره‌شكرن وناڤزراندن و ده‌ڤئاڤێتنێ دا ،ل دژى ئالیێن دیتر ،به‌ره‌ڤاژى دناڤاخوه‌دا گه‌له‌ك ژ ره‌خنه‌ و گلى و گازندان را گرتى وبێ ته‌حمولن ،رێژه‌ییا نزم یا ره‌خنه‌ و نیشاندانا كێماسى و شاشتییان یاكو ده‌ستویر بو تێته‌ دان ژى، د ئاستێ سه‌ركردایه‌تییا ته‌كتیكى و به‌ر بژێرڤه‌ و كادرێن پراكتیكى و خه‌تا بكارئینانێ دا به‌رته‌نگ دمینن،چو جاران رێ نائێته‌ دان ره‌خنه‌ ل خودێ هزر و سیاسه‌ت و ستراتیجیه‌تا پارتییێ و سازیێن وێ یێن سه‌ركردایه‌تیێ بێته‌ گرتن ،ئانكو ره‌خنه‌ ئورژینالتییا خوه‌ ژده‌ست دده‌ و تێته‌ مارژینال كرن ،ژبه‌ركو بابه‌تێن ئورژینال و بنه‌ره‌تیێن رێكخراو لسه‌ر ئاڤادبه‌ و دبنه‌ ناڤه‌ند و ماتورێ ته‌ڤایا شاشتى وكێماسییان ،پیرۆزى و ئیدیال بوونا خوه‌ به‌رده‌وام دكن ،ئه‌ڤه‌ راستیه‌كه‌ یێ هه‌رى زێده‌ رادیكال و ره‌خنان دكه‌ مخابن ره‌خنه‌یێ لسه‌ر خوه‌ قه‌بول ناكه‌ ،و خوه‌ نائینته‌ وێ رێزێ كه‌سه‌ك بكاره‌ جه‌ساره‌ت بكه‌ وره‌خنه‌ لێبگره‌ ، هه‌روه‌سا ره‌خنه‌ و ده‌ستنیشان كرنا كێماسى و شاشتییان ژ ئالیێ ده‌رڤه‌ ،ئانكو ژ ژینگه‌ها ده‌رڤه‌ ،ژبلى كو نائێته‌ قه‌بوول كرن ،دهه‌مان ده‌م دا دبن په‌رده‌ و بهانه‌یێن مه‌ترسیدار و چه‌واشه‌ وخیانه‌ت و كومپلو و دژایه‌تێ دا، تێنه‌ رێزكرن و پولین كرن ،و دهه‌مان بیاڤێ دا تێنه‌ تێوریزه‌كرن ، پاسیفیزه‌كرن و ڤالاده‌رخستن .

دده‌رڤه‌دا  و ژبو بكارئینان وخزمه‌تكرنا خوه‌ گه‌له‌ك دیموكراتیك و پێشڤه‌روونه‌ ،به‌ره‌ڤاژى دهوندر خوه‌دا ژى دیكتاتور و ئانتى دیموكراتیكن ، هه‌لبه‌ت كه‌س و رێكخراوێن ریادى نه‌ لسه‌ر بناغێ ره‌خنێ پێشدكه‌ڤن و ریادیبوونا خوه‌ به‌رده‌وام دكن دبازارى دا ، نها بهاریكاریا فیدباكا برییا گه‌له‌ك كه‌نالان تێته‌ بده‌ست خستن ،پرۆسێسا لێگه‌رین و پێشڤه‌برنێ (البحپ و التگویر ) تێته‌ ئه‌نجام دان ، نوكه‌ پرۆسێسا لێگه‌رین و پێشڤه‌برنا به‌رده‌وام دینامیزم و گیانێ ریادیبوون و ئه‌نجام گرتنێ یه‌ ، رێكخراوێن كو درێزا ئێكه‌مین یا ریادیێن جیهانى دا  جهدگرن ،ئه‌و رێكخراون یێن كو رێژه‌یه‌كا زێده‌تر یا داهاتیێ خوه‌  ژبوى ڤێ پرۆسێسا گرنگ ته‌رخان دكن .

ره‌خنه‌ وره‌شكرن هونه‌ر و كلتورێ بێزاركرن ، تێكدان ،بسه‌ردا برن و ونداكرنێ یه‌ ،رێكخراوا ل شوینا كو رێژه‌یه‌كا به‌رچاڤ ژ ده‌رامه‌تێن خوه‌ یێن مینا ده‌م (وه‌خت ) ،مادى ،سرۆشتى  دراڤى،پێزانینان ،مرۆڤى و ته‌كنولوجیك بو پرۆسێسا په‌یداكرنا فیدباكێ ،و لێگه‌رین و دیراسه‌ت كرن وپێشڤه‌برنێ و ئاماده‌كرنا پرۆژه‌ و تێزێن چاره‌سه‌رى و پێشڤه‌برن و به‌رهه‌مداریێ بمه‌زێخه‌ ،به‌ره‌ڤاژى ژبوى ره‌خنه‌كرن و ره‌شكرن و ده‌ڤئاڤێتن و ناڤزراندنێ  د مه‌زێخه‌ ،نكاره‌ ببه‌ رێكخراوه‌كا سه‌ركه‌فتى،بتایبه‌ت ئه‌گه‌ر كو رێژه‌یا ره‌خه‌نه‌كرنا رێكخراو ل ژینگه‌ها ده‌رڤه‌ دكه‌ ، ژ رێژه‌یا ره‌خنه‌یا كو ل ژینگه‌ها هوندرى رێكخراوێ دكه‌ زێده‌تر به‌ ،یێ كو ژینگه‌ها ده‌رڤه‌ پتر ره‌خنه‌ دكه‌ رۆلێ خوه‌ لاواز دبینه‌ ،و خوه‌ گه‌له‌ك بكێم دزانه‌ ، گرێكا ده‌روونییا خوه‌ كێم دیتنێ ل ده‌ڤ هه‌یه‌ ،دهه‌مان ده‌م دا دخوازه‌ ڤێ ره‌خنێ بكه‌ دیواره‌كى ئاگرین یێ پاراستنا خوه‌ و بێچاره‌تى وبێكێرى و لاوازیێن خوه‌ دبندا ڤه‌شێره‌،یێ كو نویخواز به‌ و ریادى و پێشكه‌فتن خواز به‌ ،ره‌خنێ ناكه‌ به‌رى هه‌ركه‌سێ ده‌رفه‌تان دبینه‌ و بكاردئینه‌ و دئێخیته‌ خزمه‌تا پێشڤه‌برن و به‌رهه‌مدارى و سه‌ركه‌فتنێ ،كارێ خوه‌ دكه‌ و ئه‌وقاس ده‌مێ خوه‌ ب ره‌خنه‌ و تشتێن لاوه‌كى ڤه‌ ده‌رباز ناكه‌ ،بێگۆمان چێكرنا بێ باوه‌ریێ و گۆمان و بێزارى و ستره‌س و ئازراندنێ ،پف كرن وئازراندنا كین ونفره‌ت و هه‌ستێن ره‌ش و نه‌گه‌تیف ،دژایه‌تى كرنا  تاك ، جڤاك، رێكخراو و  وه‌لاتییه‌ ،چو جاران و ب هیچ ئاوایه‌كى خزمه‌تا گه‌ل وه‌لاتى ناكه‌ .

خالێن هه‌ڤبه‌ش و نه‌وه‌ك هه‌ڤ یێن ته‌ڤایا پارتى و رێكخراوێن سیاسى و یێن دن ژى هه‌نه‌ ،پارتیێن سیاسه‌تێ دكن د خالا گه‌هه‌شتنا ده‌ستهه‌لاتێ و بكارئینانا ئه‌له‌مه‌نت و ده‌رفه‌تیێن سیاسى دا هه‌ڤبه‌شن ،ئه‌گه‌ر كو دهنده‌ك ئالیێن هزرى و ستراته‌جیك و ته‌كتیكى دا ژهه‌ڤ جودا بن ژى ،به‌لێ دئارمانجا سه‌ره‌كییا په‌یداكرن و بده‌ستڤه‌ئینانا ده‌ستهه‌لاتێ دا هه‌ڤپشكن ،هه‌مى گرۆپ و رێكخراو دخوازن دچارچوڤه‌ و ژینگه‌ها كارێ خوه‌دا خودان باندوربن و ڤێ باندۆرێ به‌رب شێوه‌یه‌ك ژ شێوه‌یێن ده‌ستهه‌لاتداریێ ڤه‌ ببن ،و هه‌ر گرۆپ ژى دكاره‌ بقاسى  به‌رهه‌م و هه‌وجه‌دارى و ژێرخانا خوه‌یا مادى ،و هێزا هزرو بیرێن خوه‌ یێن مه‌عنه‌وى خودان باندور به‌ ،پولین كرنا باشى و خرابیێ لسه‌ر بناغێ هنده‌ك پره‌نسیپ و بنه‌مایێن تێوریك و رووت وره‌ها راست نینه‌ ،رێكخراوا كو خه‌لكێ بخاپینه‌ وبه‌رده‌وام به‌رب ره‌شبینى و بێ ئومێدى و گۆمان و كاوسێ ڤه‌ باژوو ، مینا نه‌خوه‌شیێ گازندان و نه‌رازیبوونێ دمێژى و ده‌روونییا تاك وجڤاكێ دا بده‌ چاندن ،  هه‌ستێن نه‌گه‌تیف تێدا بئازرینه‌ و وان بینه‌ ره‌وشا ته‌قاندنێ ،و به‌رده‌وام به‌ره‌ڤ شه‌ر و ناكوكى و هه‌ڤركیێن ره‌ها و حه‌تمیێن ڤالا و به‌رده‌وام ڤه‌ ببه‌ ،گه‌لو دكاره‌ ناڤێ شوره‌ش و پێشكه‌فتن خوازى و پێشڤه‌برنێ ل كریاره‌كا وه‌ها بكه‌ ، ئایا پارتییا هه‌رى باش پارتیه‌كا وه‌هایه‌ ، یان ئه‌و پارتییه‌ یا كو پتر  دیماگوجییه‌تێ دكه‌ و رادیكال و ئیدیالیسته‌ ، و دئالیێ ره‌خنه‌كرنێ دا توند و دژواره‌ ، هه‌لبه‌ت پارتیه‌كا وه‌ها هه‌مى ده‌رامه‌تان و بتایبه‌ت مرۆڤان ب مولكیه‌تا خوه‌یا تایبه‌ت دزانه‌ ،و وان دئێخیته‌ د بن بارێ مه‌جبوریه‌تێ ڤه‌،و كار و خه‌باتێن خوه‌ بسه‌ردا دده‌ سه‌پاندن گه‌له‌ك كلاسیك و مه‌ترسیداره‌،بێگۆمان رێكخراوا كارێ خوه‌یێ سه‌ره‌كى بكه‌ ،كومكرنا كێماسییان و ئالى و هه‌ستێن نه‌گه‌تیف بده‌ ئازراندن ،و ئیدمانا سیاسییا نه‌گه‌تیف  بده‌ چێكرن ،و خه‌لكێ بكه‌ ئالوده‌یێ ڤان هه‌ست و  هزرێن مازوشیستێن بێ داویى ،ژئێش و نه‌خوه‌شى و زیانێ پێڤه‌تر نكاره‌ تشته‌ك دن پێشكێشى گه‌ل و وه‌لات بكه‌ ، ئایا پێشڤه‌برن وخورتكرنا ئیراده‌ و هێز و هشمه‌ندى و ده‌روونییا مرۆڤان مومكنه‌ وه‌ها بێته‌ چێكرن ؟ ئایا پارتییا هه‌رى باش دكاره‌ وه‌ها بشێواز ورێكێن نه‌باش وتژى خرابى و پێلیسكاندن ،خاپاندن و بكارئینانا ئه‌رزان و خه‌رجكرنێ بگه‌هه‌یته‌ گوپیتكا قه‌نجى و جوامێریێ  و خزمه‌تگوزارى و خوه‌شگوزرانییا  وه‌لات وتاك وجڤاكێ  مسوگه‌ر بكه‌ ، پارتییا هه‌رى زێده‌ ئیدمانا سیاسى دده‌ چێكرن ، هه‌رى زێده‌ خه‌لكێ و بتایبه‌ت گه‌نجان د ده‌ست خوه‌ دا  دگره‌ و ئیرادا وان ژ ده‌ست دگره‌ ،و مینا كه‌ریێن په‌ز  ب سایكولوجیه‌كا گشتییا هاتیه‌ دارشتن د ئێتونا ئه‌جیندا و مژارێن پارتى دخوازه‌ دا خه‌رج دكه‌ و دده‌ دخه‌بتاندن ،زیان و مه‌ترسیێن وێ قات بقات زێده‌ترن ، ب مخابنى ڤه‌ پترییا  جاران پارتیێن وه‌ها دكن  ڤان كریارێن ته‌سلیم گرتن و دیماگوجیه‌ت و بكارئینانێ یا دراماتیك ، مینا شیارى و ژێبوونا نه‌ته‌وه‌ى و ئاینى ،و درێزا بها و رومه‌تێن مرۆڤایه‌تى و نیشمانى دا ددن دیاركرن و سه‌پاندن ، ب ئاوایه‌كى گشتى وه‌كه‌ ستاندارد (قاعده‌) هندى كو هێزا ناڤه‌ندییا ڤه‌كێشانا  رێكخراوێ بو ئه‌ندامێن خوه‌ كوورانه‌ و خورت تر به‌ ، رێژه‌یا پێكهاتنا ڤێ كریارا ناڤهاتى  دڤێ رێكخراوێ دا زێده‌تره‌ ،به‌ره‌ڤاژى چقاس ره‌وشه‌نبیرى و شیاریا زانستى یا خوه‌سه‌ر یاتاك و جڤاكێ خورتر دبه‌ ،ژێبوونا ساخله‌م ودورست ئاڤا دبه‌ ، و دبه‌ پانژه‌هره‌یا ڤان ئالیێن نه‌گه‌تیف دناڤا رێكخراوێ دا ،دئه‌نجام دا هه‌ژى گوتنێ یه‌ ،پارتیا هه‌رى باش نه‌ ئه‌و پارتییه‌ یا گه‌له‌ك بتوندى ره‌خنه‌دكه‌ ،كلتورێ ده‌ڤئاڤێتن و ئازراندن و گونه‌هباركرن و گومانێ به‌ر ب پێشڤه‌ دبه‌ ، یان گه‌له‌ك تێوریزه‌ دكه‌ ،به‌لكو ئه‌و پارتییه‌ یا كو براستى و دپراكتیكێ دا ،خودان به‌رهه‌م و ئه‌نجامێن به‌رچاڤێن دخزمه‌تا گه‌ل وه‌لاتى دا به‌ ،كلتورێ لهه‌ڤ بورینێ و دان وستاندن و هه‌ڤته‌مام كرنێ و توله‌رانسێ به‌ر ب پێشڤه‌ دبه‌ ،ل شوینا چه‌كان ترساندن و په‌رچقاندنێ ، ل شوینا به‌رته‌كێن ده‌روونى و سۆزداریێن نه‌گه‌تیف ،هاریكاریێ  و پشته‌ڤانیێ  بنگه‌ه دگره‌ ،و لسه‌ر بناغه‌یێ  ئاقلداریێ و هشمه‌ندییه‌كا مودێرن یا كو دكه‌ڤه‌ خزمه‌تا گه‌ل وه‌لاتى خه‌بات و چالاكیێن خوه‌ به‌ر ب پێشڤه‌ دبه‌ .

7504587443 (0) 964+
[email protected]
زاخۆ/ ئاڤاهیێ لقێ ٨ێ پارتى