نووچه‌

دەما ریفراندۆمێ ناھێتە پاشخستن

ھشیار زێباری راگەھاند: ریفراندۆما سەرخوەبوونا کوردستانێ دێ ل رۆژا بیست و پێنجی مەھا ئیلوونا ئەفسالە ھێتە کرن و ب چ رەنگان ناھێتە پاشخستن.ھشیار زێباری، شیرەتکارێ مەسعوود بارزانی، سەرۆکێ ھەرێما کوردستانێ بەرسڤا داخویانییا ریکس تیلەرسۆن، وەزیرێ دەرڤە یێ ئەمریکا یا پاشخستنا ریفراندۆما سەرخوەبوونا ھەرێما کوردستانێ کو بریارە ل بیست و پێنجی مەھا ئیلوونا ئەفسالە بھێتە کرن، دا و بۆ ئاژانسا رۆیتەرز گۆت: دەما ریفراندۆمێ گونجایە و ب چ رەنگان ناھێتە پاشخستن.داخویانییا ھشیار زێباری د دەمەکێ دا یە کو دوھی مەسعوود بارزانی، سەرۆکێ ھەرێما کوردستانێ د پەیوەندییەکا تەلەفۆنی دا دگەل ریکس تیلەرسۆن، وەزیرێ دەرڤە یێ ئەمریکا ب رێیا تێلەفۆنێ بەحسا ژڤانێ ریفراندۆمێ کرییە و تیلەرسۆنی داخواز ژ سەرۆکێ ھەرێمێ کرییە، ژڤانێ دەستنیشانکری بھێتە پاشخستن.

Back to top button