لەش جوانی

نزار غه‌زالى دێ چیته‌ ئسپانییا

چاڤه‌رێیه‌ ئه‌ڤرۆ رۆژا سێشه‌مبی كوڕێ پارێزگه‌ها دهۆكێ و یاریكه‌رێ له‌ش جوانیێ نزار غه‌زالى دگه‌ل هه‌ڤالێ خۆ كوڕی باژێرێ هه‌ولیرێ ب رێكا فرۆكه‌خانا هه‌ولێرێ دێ به‌ره‌ڤ پایته‌ختێ ئیسپانییا ریال مه‌درید برێكه‌ڤن، بمه‌ره‌ما پشكداریكرنێ د قاره‌مانییا جیهاندێ دا. لدۆر پشكداریكرنا خۆ نزار غزالی د داخۆیانییه‌كێ دا بۆ رۆژنامه‌یا وار راگه‌هاند، پشتی من و هه‌ڤالێ خۆ سه‌ردار ئیسماعیل ژ هه‌ولێرێ شییاین د چه‌ندین قاره‌مانیاندا لسه‌ر ئاستێ جیهانێ رێزێن ئیكێ بده‌ستخوڤه‌ بینین، بتنێ ئه‌م هه‌ردو‌ ژ ئیراقێ هاتینه‌ داخازكرن بۆ مه‌زنترین قاره‌مانی ل جیهانێ ئه‌و ژی قاره‌مانییا ئارنۆت كلاسیك ئه‌وا دێ ل 25ی ئه‌ڤێ هه‌یڤێ ده‌ست پێكه‌ت تا 28 دێ یا به‌رده‌وامبیت، زێده‌تر نزاری گۆت، ئه‌ڤ قاره‌مانیه‌ هه‌ر سال دهێته‌كرن ل وه‌لاته‌كێ جێهانێ و بتنێ قاره‌مانان مافێ هه‌ی پشكداریێ د ئه‌ڤێ قاره‌مانیێدا بكه‌ن و ئه‌ڤه‌ ئیكه‌م جاره‌ یاریكه‌رێن ئیراقی پشكداریێ بكه‌ن د ئه‌ڤێ قاره‌مانیێدا، ئه‌وژی ئه‌م هه‌ردوو یاریكه‌رێن كوردین و دێ بناڤێ كوردستانێ پشكداربن و دێ هه‌ر یاریكه‌ره‌ك هه‌ڤڕكیێ لسه‌ر كێشا خۆكه‌تن و ئه‌ز ژی دێ ب كێشا 80كگم پشكداربم، دووماهیێ دێ هه‌ڤڕكی هه‌بیت بۆ جوانترین له‌ش لوێرێ یاریكه‌ر یێ ئازاده‌ ژ چ كێش بیت دشێت هه‌ڤڕكیێ بكه‌تن.

تاگس
زێدەتر ببینە
Back to top button
Close