دكتور عه‌لى ته‌ته‌ر ل سه‌ر پروسێسا خواندنێ و هه‌روه‌سا كه‌رتێ ساخله‌میێ ب درێژى ئاخفت

دكتور عه‌لى ته‌ته‌ر به‌رپرسێ لقى هه‌شت یێ پارتى دیموكراتى كوردستان، پێشوازى ل هه‌ر ئێك ژ دكتور مایكل سه‌روكێ زانكویا ئه‌مریكى ل دهوكێ و دكتور نزار عسمه‌ت رێڤه‌به‌رێ گشتى یێ ساخله‌میێ ل پارێزگه‌ها دهوكێ كرن، د روینشتنه‌كێ دا شاندێ مێهڤان سه‌ره‌راى پیروزباهیكرنێ ل پوستێ نوى یێ به‌رپرسێ لقێ به‌حس ل ره‌وشا خواندنێ ب ره‌نگه‌كى گشتى ل پارێزگه‌ها دهوكێ كرن و ئاماژه‌ ب پێشكه‌فتنا كه‌رتێ خواندنا بلند ل هه‌رێما كوردستانێ دان، و ژلایێ خوه‌ڤه‌ دكتور عه‌لى ته‌ته‌ر ل سه‌ر پروسێسا خواندنێ و هه‌روه‌سا كه‌رتێ ساخله‌میێ ب درێژى ئاخفت و ئاماژه‌كر ژى كو حكومه‌تا هه‌رێمێ پیته‌یه‌كا باشتر دایه‌ ڤان هه‌ردوو بیاڤان و هیڤى خواست ژى زێده‌تر گرنگى ب خزمه‌تكرنا خه‌لكێ بهێته‌دان ب تایبه‌تى ژى ل ده‌ڤه‌را زاخو.