كوردستاننووچه‌

فازل میرانی: ژبلی پارتی چ ئالی ئاماده‌نه‌بوون هه‌لبژارتن بهێنه‌ كرن

سكرتێرێ مه‌كته‌با سیاسی یا پارتی دیموكراتی كوردستان راگه‌هاند؛ ژبلی پارتی چ ئالییێن سیاسی یێن هه‌رێمێ ئاماده‌نه‌بوون هه‌لبژارتن د ده‌مێ خوه‌ دا بهێنه‌ كرن و گۆت: چێبوونا قه‌واره‌یێن نوو كاریگه‌رییێ ل ده‌نگێن پارتی ناكه‌ن.
د هه‌ڤپه‌یڤینه‌كێ دا ل گه‌ل پشكا كوردی یا ده‌نگێ ئه‌مریكا كو ئه‌ڤرۆ هاتییه‌ به‌لاڤكرن، فازل میرانی سكرتێرێ مه‌كته‌با سیاسی یا پارتی گۆت: پارتی تاكه‌ حزبا هه‌رێمێ بوو كو دخواست هه‌لبژارتنێن هه‌رێمێ د ده‌مێ خوه‌ دا بهێنه‌ كرن، لێ چ ئالی ئاماده‌نه‌بوون و هه‌ر ئالیه‌كی به‌هانه‌یه‌ك دگرت و ئه‌ڤه‌ ژی راستیه‌كه‌ كو پارتی ته‌حه‌دایێ دكه‌ت و دشێت هه‌موو ده‌مان ڤی بابه‌تی بدانیته‌ هه‌مبه‌ر ئالییێن سیاسی.
دا زانین ژی: پارتی داخوازكر هه‌لبژارتنێن هه‌رێمی به‌ری یێن ئیراقێ بهێنه‌ كرن و هه‌موو ئالییێن كوردستانی ب ئێك لیست پشكداربن، لێ چ ئالی رازینه‌بوون پاشان پارتی داخوازكر هه‌ردو هه‌لبژارتنێن په‌رله‌مانێن هه‌رێم و ئیراقێ پێكڤه‌ بهێنه‌ كرن، لێ ئالییێن سیاسی ملێ خوه‌ نه‌دانه‌ به‌ر و ژ به‌رپرسیارییێ ره‌ڤین.
میرانی دیار ژی كر، دروستبوونا قه‌واره‌ و حزبێن نوو چ كاریگه‌رییا وه‌ها ل ده‌نگێن پارتی ناكه‌ن، ره‌نگه‌ كێمترین زیان ب ده‌نگێن پارتی ب كه‌ڤن، لێ دێ گه‌له‌ك زیانێ ل ده‌نگێن ئالییێن دی ده‌ت، ژبه‌ركو پارتی چ كێشه‌ ل گه‌ل قه‌واره‌یێن نوو و سه‌رۆكێن وان قه‌واران نینه‌.

تاگس
زێدەتر ببینە

پوستێن ھەمان بەشی

Back to top button
Close