راپۆرت

راپۆرتەکا ئەمریکی: داعش ئامادەکارییێن ڤەگەریانەکا بھێزتر دکەت

پەیمانگەھا لێکۆلینێن جەنگێ یا ئەمریکی بەلاڤ کر کو داعش نەشکەستییە و ئامادەکارییێن ڤەگەریانەکا بھێزتر و بترستر دکەت.
پەیمانگەھا لێکۆلینێن جەنگێ یا ئەمریکی د راپۆرتەکا حەفتێ و شەش رووپەلی دا ل ژێر ناڤێ (ڤەگەریانا داعشێ یا دویێ: ھەلسەنگاندنا یاخیبوونا بھێت داعشێ) راگەھاند: زێدەباری کو رێکخستنا تیرۆرستی یا داعشێ ئەردێن ل سووریا و ئیراقێ ل ژێر دەستھەلاتا خوە، ژ دەست داینە، لێ وێ د دەما دەستپێکرنا ئۆپەراسیۆنێن سوپایێ ئیراقێ و ھێزێن سووریایا دیمۆکرتیک، ھەسەدێ دا، خوە ژ بۆ ڤەگەریانەکا بھێزیتر ئامادە دکر و ب مەبەست خوە ژ گەلەک جھان ڤەکێشا.
ھەروەسا ئاماژە دا: داعشی ھێشتا ب ھزارەھا چەکدار، چەک و ئالاڤ، پشتەڤانییەکا دراڤی یا بھێز و رێکخستنەکا مۆکم ھەنە و دێ د دەمەکێ کێمتر دا ھێزا خوە ڤەگەرینیتە ئاستەکئ و مەزنتر و بترستر ژ ئاستا بەرێ و ئەو یەک دێ بیتە سەدەما شەرعییەتدان و باوەریئینانێ ب گۆتارا (سەرکەفتنا مسۆگەر و دۆمدرێژ یا خیلافەتێ) کو دێ بیتە سەدەما ھێرشێن زێدەتر ل ئەورۆپا و وەلاتێن رۆژئاڤا.

زێدەتر ببینە

پوستێن ھەمان بەشی

Back to top button
Close