حوكمه‌تا هه‌رێمێ دێ ئه‌ڤرۆ به‌حس ل به‌رهه‌ڤيێن به‌لاڤكرنا نه‌فتا سپى كه‌ت
ئه‌ڤرۆ نيوز، نيوار محه‌مه‌د سه‌ليم:ئه‌ڤرۆ رۆژا چارشه‌مبى رێكه‌فتى 16ى چريا ئێكێ 2019 دێ كۆمبوونا جڤاتا وه‌زيرێن هه‌رێما كوردستانێ ب سه‌رپه‌رشتيا مه‌سرور بارزانى سه‌رۆكێ حوكمه‌تا هه‌رێما كوردستانێ برێڤه چيت و بڕياره چه‌ند ته‌وه‌ران ب خوه ڤه بگريت كو ژ وان ژى بڕيار دانه ل سه‌ر دامه‌زراندنا سه‌رۆكه‌فتيێن ئێكێ يێن زانكۆيا بۆ سالا خواندنێ 2015-2016ێ.ته‌وه‌رێن كۆمبوونێ دێ ئه‌ڤێن ل خوارێ بن:
- دانوستاندن ل سه‌ر بڕيارا دامه‌زراندنا سه‌ركه‌فتيێن ئێكێ يێن هه‌موو زانكۆيێن حكومى بۆ سالا خواندنێ 2015-2016.
- دانوستاندن ده‌رباره‌ى دارشتنا سياسه‌ته‌كا نوو بۆ ڤه‌ديتنا بازاره‌كا ناڤخۆيى بۆ گه‌نمێ جۆيتارێن هه‌رێما كوردستانێ.
- ئاماده‌كاريێن به‌لاڤكرنا نه‌فتا سپى ل سه‌ر وه‌لاتيان به‌رى هاتنا وه‌رزێ زڤستانێ.
- پێشنيازا پرۆژێ قانوونا ماددێن هۆشبه‌ر
سێ ساله نێزيكى چار هزار سه‌ركه‌فتيێن ئێكێ يێن زانكۆ و په‌يمانگه‌هان نه‌هاتينه دامه‌زراندن. سالا بۆرى وه‌زاره‌تا خواندنا بلند ب تنێ داخوازا دامه‌زراندنا هزار و 369 ده‌رچوويێن سالا 2015ێ كريه.سالانه زێده‌ترى هزار و 300 كه‌س وه‌كو سێ كه‌سێن سه‌ركه‌فتى ل سه‌ر پشكێن خوه ل زانكۆ و په‌يمانگه‌هان ده‌ردچن و ژمارا وان دچيته سه‌ر هژماره‌كا زۆر يا ده‌رچوويێن سالێن به‌رى وان.
