جیهان

ھەژمارەکا کۆنگرێسمەنان ھەردو پارتییان داخوازا سزادانا تورکیا کر

ھەژمارەکا کۆنگرێسمەنێن دیمۆکراتی و کۆماری یێن جڤاتا پیرێن ئەمریکا داخواز ژ ئیدارەیا ترامپی کر سزایێن گران ل سەر تورکیا بسەپینیت.
لێنزی گراھام، مارشا بلاکبێرن ئەندامێن کۆماری یێن جڤاتا پیرێن ئەمریکا و ڤان ھۆلێن، ریچارد بلۆمێنتال و جین شاھین، ئەندامێن دیمۆکرات یێن جڤاتا پیران پەیامەک ئاراستەیی مایک پۆمپێیۆ، وەزیرێ دەرڤە یێ ئەمریکا کر و ھۆشداری ژ بنپێکارییێن تورکیا دانێ و داخواز ژێ کر مەترسی بەرچاڤ بھێن وەرگرتن، ژ بەر کو دەم گرنگە.
کۆنگرێسمەنێن دیمۆکرات و کۆماری ھەروەسا دیار کر کو تورکیا نھا ژدەرڤەیی دەڤەرا ئارام کار دکەت و د گەل میلیشیایێن ئۆپۆزسیۆنا سوورییێ ل دەردۆرا تلتەمرێ ھێرشی کوردان دکەت.
وان پێنج کۆنگرێسمەنان د پەیاما خوە دا بۆ ترامپی گۆتییە: ترامپی چەندین جاران گەف کرینە گەر تورکیا رێککەفتنێ بنپێ بکەت، دێ ئابۆرێ وێ وێران کەت و ل گۆری راپۆرتێن بەردەست، ئەو داخوازێ ژ ئیدارەیا وی دکەن سزایێن دژوار ل سەر تورکیا بهێن سەپاندن و ئەو ژی ل سەر ھەولێن خوە یێن پەسەندکرنا پرۆژەیاسایا سزادانا تورکیا ل کۆنگرێسی، بەردەوام بن.

زێدەتر ببینە

پوستێن ھەمان بەشی

Back to top button
Close