نووچه
رۆسیا: ئەرکێ مە یە کورد و دیمەشقێ بگەهینین رێککەفتنێ
وەزارەتا دەرڤە یا رۆسیا راگەهاند: مۆسکۆ ب ئەرکێ خوە دزانیت کورد و رژێما سووری ل هەڤ نێزیک بکەت و بگەهینیت رێککەفتنێ.
مارییا زاخارۆڤا، پەیڤدارا وەزارەتا دەرڤە یا رۆسیا د داخویانییەکا رۆژنامەڤانی دا راگەهاند: رۆسیا نە تنێ ئامادە یە ناڤبەینکارییێ بۆ دەستپێکرنا دانوستاندنێن کوردێن سوورییێ و دیمەشقێ بکەت، لێ ب ئەرکێ خوە دزانیت هەردو ئالییان بگەهینیتە ئێک، دا کو رێککەفتنەک بهێتە کرن.
زاخارۆڤایێ دا زانین ژی: شێواز و چاوانییا وێ رێککەفتنێ دێ ل گۆرەی داخواز و بریارا کورد و رژێمێ بیت ل وی دەمی، لەورا ژی گرنگە هەر زوو دەست بهاڤێژنە دانوستاندنان.
