به‌رپرسێ لقێ8 پێشوازى ل بالیوزێ ئه‌رمه‌نستانێ كر

محه‌مه‌دسدیق

دكتور عه‌لى ته‌ته‌ر ئه‌ندامێ جڤاتا سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان، پێشوازى ل (راچیا پولادییان) بالیوزێ وه‌لاتێ ئه‌رمه‌نستانێ ل به‌غدا و شانده‌كێ د گه‌ل دا كر، و د دیداره‌كێ دا ب به‌رهه‌ڤبوونا هه‌رێمدارێ زاخو و هه‌ژماره‌كا كارگێرێن لقێ و كه‌سایه‌تیێن ئه‌رمه‌ن ل ده‌ڤه‌رێ، به‌حسێ ره‌وشا كورستانێ ب شێوه‌یه‌كێ گشتى و ده‌ڤه‌را زاخو ب تایبه‌تى كرن، بالیوزێ ئه‌رمه‌نستانێ خوه‌شحالییا خوه‌ دیاركر و ته‌كه‌ز ل په‌یوه‌ندیێن برایه‌تیێن دناڤبه‌را هه‌ردوو گه‌لێن كورد و ئه‌رمه‌ن دا كر و بهه‌ڤخه‌بات و هه‌ڤپشكێن دیروكى ئینان زمان، ژ لایێ خوه‌ڤه‌ به‌رپرسێ لقێ هه‌شت ئاماژه‌ دا وان روژێن مێژوویى یێن كو ئه‌رمه‌ن ژ قركرنێ ره‌ڤین و هاتنه‌ ده‌ڤه‌رێ و ژ وێ روژێ هه‌تا ئه‌ڤرو چو جاران جیاوازى د ناڤبه‌را وان و كوردان دا نه‌هاتییه‌ كرن و ب ئاشتى و برایه‌تى ژیاینه‌، و دیاركر ژى، پارتى هه‌مى گاڤا پشته‌ڤان و خوازیارێن پێكڤه‌ ژیان و برایه‌تیێ بوویه‌