به‌رپرسێ لقێ8 پشكدارى هه‌ژماره‌كا چالاكیان بوو د روژا ئالایى دا

محه‌مه‌دسدیق

بهه‌لكه‌فتا روژا ئالایێ كوردستانێ، دكتور عه‌لى ته‌ته‌ر ئه‌ندامێ جڤاتا سه‌ركردایه‌تى و به‌رپرسێ لقێ هه‌شت یێ پارتى پشكدارى د رێوره‌سمێن ئاهه‌نگ و بلندكرنا ئالایێ كوردستانێ دا كرن، هه‌ر ل ده‌ستپێكێ ل قوتابخانا دیمه‌ن یا كچان به‌رپرسێ لقێ هه‌شت پێشانگه‌هه‌كا وێنێن شه‌هیدان ڤه‌كر و د په‌یڤه‌كێ دا ب گرنگى ڤه‌ به‌حس ل ئه‌ڤێ روژا پیروز كر، پاشى ب ڤێ هه‌لكه‌فتێ دكتور عه‌لى ته‌ته‌ر ل زانكویا زاخو ژى پشكدارى د ئه‌ڤان رێوره‌سماندا كر و دیروكا ئالایێ كوردستانێ ژى كو بخوین و خوها قاره‌مانان هاتیه‌ پاراستن به‌حسكر، د ڤى چارچووڤه‌یى دا به‌رپرسێ لقێ هه‌شت دگه‌ل هه‌ژماره‌كا رێڤه‌به‌رێن حكومى و خه‌لكێ ده‌ڤه‌رێ پشكدارى د ڤه‌كرنا ئالایه‌كا مه‌زن ل ده‌ریێ تونێلا گه‌لیێ زاخو كر و ل دوماهیێ ژى ل په‌یمانگه‌ها ته‌كنیكى یا زاخو، دكتور عه‌لى ته‌ته‌ر سمیناره‌ك پێشكێشى هه‌ژماره‌كا قوتابى و ماموستایان كر و تێدا به‌حسێ بلند راگرتنا ئالایێ كوردستانێ كر و دیاركر ژى كو ئه‌ڤ ئالایه‌ ب خوین و قوربانیدان و خه‌باتا چه‌ندین سالێن دویر و درێژ یێن پێشمه‌رگه‌یى هاتیه‌ پاراستن، هه‌روه‌سا ب درێژى ژى به‌حسێ مێژوویا ئالایێ كوردستانێ كر و هه‌تا قوناغا ئه‌ڤرو كو پێناڤ پاراستن و به‌رزه‌نه‌كرنا نڤشێ كوردان ئالایێ مه‌ ده‌ست بو ده‌ستى هاتیه‌ پاراستن