نووچه‌

دسالرۆژا كاره‌ساتا گوندك و جه‌لالاندا

نڤیسین / شه‌عبان سه‌لمان ئاسنگه‌ر

ئه‌ڤرو د چوارچوڤێ به‌رنامێ هاتییه‌ دانان ژ لایێ لژنا ناوچا سه‌رهلدان پارتى دیموكراتى كوردستان ڤه‌ بو ساخكرنا سالرۆژا روودانا كاره‌ساتا گوندك و جه‌لالا، ب به‌رهه‌ڤبوونا ئه‌ندامێ جڤاتا سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان دكتور عه‌لى ته‌ته‌ر و هه‌ژماره‌كا به‌رپرسێن حزبى و حكومى و سه‌ربازى و هه‌لگرێن مه‌دالیا بارزانى و كه‌س و كارێن شه‌هیدێن كاره‌ساتا ناڤبرى رێوره‌سمه‌ك د ناڤ باغچێ لژنا ناوچا سه‌رهلدان دا هاته‌ گێران، و تێدا دكتور عه‌لى ته‌ته‌ر سه‌ره‌خوه‌شى و پێزانینێن خوه‌ و سه‌ركردایه‌تییا پارتى دیموكراتى كوردستان گه‌هاندنه‌ مالبات و كه‌سوكارێن سه‌ربلندێن شه‌هیدان و په‌یڤه‌ك پیشكێشكر و گوت، ده‌ڤه‌را زاخو ب گوند كومه‌لگه‌ه و ته‌مامیا ده‌ڤه‌را خوه‌ڤه‌ لاندكا شوره‌ش و خه‌بات و به‌رخوه‌دانێ بوویه‌، و ئه‌ڤ باژێره‌ هه‌رده‌م پێشه‌نگا خه‌بات و قوربانیدانێ بوویه‌ د رێكا رزگاریخوازیا گه‌لێ مه‌دا، دكتور عه‌لى دیار كر ژى، هه‌ر چیا و نهاله‌ك و بوسته‌ك بت ژ ئاخا مه‌ دشێن تاجه‌كا گولینه‌ ل سه‌ر دانین چونكى هه‌ر كه‌ڤروداره‌كێ ل سه‌ر ڤێ ئاخێ بخوینا شه‌هید و قه‌هره‌مانه‌كێ هاتییه‌ پیرۆزكرن و ئاڤدان، هه‌روه‌سا د ڤى چوارچوڤه‌یى دا پێشه‌نگه‌هه‌كا وینه‌یێن قوربانیێن وێ كاره‌ساتێ هاته‌ نیشاندان، و هه‌وه‌كا دارچاندنێ ژى ده‌ستپێكرن، دكتور عه‌لى ته‌ته‌ر د ڤێ رێوره‌سمى دا پشته‌ڤانییا نڤیسه‌رێ به‌رنیاس یێ ده‌ڤه‌رێ رمه‌زان ده‌شمرى كر بو به‌رهه‌ڤكرنا نامیلكه‌كێ ل سه‌ر ژیانا قوربانیێن وێ كاره‌ساتێ ئه‌وا ل بیست و پێنجى مه‌ها كانوونا ئێكێ ل سالا هه‌زار و نه‌هسه‌د و هه‌شتى و سێ ژ لایێ رژێما به‌عسا فاشی ڤه‌ هاتییه‌ ئه‌نجامدان و تێدا بیست و پێنج شه‌هید و بریندار هه‌بووینه‌

پوستێن ھەمان بەشی

Back to top button