نووچه‌

عه‌لاوی: ب پاره‌یی رێگری ل پێك ئینانا حوكمه‌تێ دهێته‌كرن

سه‌رۆك وه‌زیرێ راسپاردی بۆ پێك ئینانا كابینا نوو یا حكومه‌تا عیراقێ راگه‌هاند: هنده‌ك پارتێن سیاسی دڤێن كۆ كه‌سێن بێ لایه‌ن و ده‌ست پاقژ نه‌ بنه‌ وه‌زیر و به‌رپرس، پاره‌یه‌كێ زۆر پێشنیازكرینه‌ بۆ ئه‌وێ چه‌ندی كابینا نوو شكه‌ستنێ بینیت.

د نامه‌یه‌كێ دا بۆ سه‌رۆكاتیا جڤاتا نوونه‌رێن عیراقێ هنارتیه‌، عه‌لاوی هوشداریا ئه‌وێ چه‌ندێ دا كۆ هژماره‌كا په‌رله‌مانتاران كه‌ڤتینه‌  بن كارتێكرنا مه‌زاختنا پاره‌یه‌كی زۆر و دڤێن  شكه‌ستنێ ب كابینا نوو یا حكومه‌تێ بینن.

عه‌لاوی هه‌ر دنامه‌یێ دا ته‌ئكید كر كۆ ئه‌و كه‌سێن گه‌نده‌ل و تاقیكری ناكه‌ته‌ وه‌زیر.

به‌ری نوكه‌ ژی چه‌ندین جاران ئه‌و چه‌نده‌ به‌لاڤبوویه‌ كۆ په‌رله‌مانتارین عیراقێ ب پاره‌یی ده‌نگ ب وه‌زیر و به‌رپرسێن بلندێن عیراقی دایه‌ زێده‌باری ئه‌وێ چه‌ندێ كۆ خودان مووچه‌یه‌كێ زۆرن.

پوستێن ھەمان بەشی

Back to top button