نووچه‌

چەندین جهـ هاتنە سزادان

عەلی حاجی :
د داخویانیەکێ ئەندامەکێ لژنا دووڤچوونا بازاری ل زاخۆ ئاشکرا کر د بەردەوامیا چاڤدێریکرنا رەوشا بازارێ زاخۆ لژنەیا وان شیا دو مارکێت و نانپێژەکێ سزا بدەن ژ ئەگەرێن جودا.
زێدەتر وەلات هەجەر گوت : لدووڤ فەرمانا هەرێمدارێ زاخۆ ب هەماهەنگیا لژنا دیفچوونا بازاری و ئاسایش و پولیسێن زاخۆ لژنا هەڤپشک، ئەڤرۆ ل روژا ئەینیێ ١٠/٤/٢٠٢٠ لژنا دیفچوونا بازاری سەرەدانا ١٥ جهان ژ مارکێت و نانپێژ و جهێن فروتنا کەسکاتیان ل زاخۆ کرن و ژ ئەگەرێ هەبونا کەرەستەیێن ئێکسپایەر دناڤ دو مارکێتان دا،ئەو دو مارکێتە ب کوژمەیەکێ پارەی هاتنە سزادان و دگەل دا ژی دەست ب سەر ١٧٠ کێلو گرامێن کەرەستەیێن ئێکسپایەر دا هاتە گرتن،ژبەر کو بۆ جارا ئێکێ بوو مە ئەو جهە سزادان بتنێ سزایێن ماددی مە دانانە بەر وان دو مارکێتان و بەرامبەر دوبارە وی کاری دێ سزایێن توندتر کەڤنە بەر وان دو مارکێتان،هەر دیسان ژبەر نەپێگیریا نانپێژەکێ ب رێنمایێن ساخلەمیێ ئەو نانپێژە ب کوژمەیەکێ پارەیی هاتە سزادان.

 
ناڤهاتی دا دیار کرن ” خەلکێ گازندەە ژ بلند بونا کەرەستەیێن فێقی و زەرزەواتی هەبون و پشتی مە دیفچوونەکا هویر یا بهایان کری وەسا دیار بوو ئەڤ بهایە ل وەلاتێ تورکیا کو سەرچاوەیێ ئینانا وان پێدڤی یایە یێ گران بوویی و هیچ کەسەکێ ژدەڤ خوە ئەو بهایە گران نەکری یە ژبەر ڤێ چەندێ ئەم نەشێن دەست کاریێ د بهایان دا بکەین و دێ بەردەوام ژی دیفچوونا بازاری کەین هەکە دەوامێن فەرمی ژی نەبن.

پوستێن ھەمان بەشی

Back to top button