كوردستان

پارتی ب قانوونا پرۆژێ چاکسازیێ بەرنامێ خوە یێ هەلبژارتنان دەستپێکر

بژار خالد عزێر کۆچەر، سەرۆکێ لژنا قانوونی ل پەرلەمانێ کوردستانێ راگەهاند کو هەلبەت ئەو پەيامێن د گوتارا دوهی رۆژا 22/5/2020 یا (مەسرور بارزانی) سەرۆكێ حوکمەتێ دا هاتين، پەيامێن روهن و ئێكسەر بوون، گەلەك بابەتێن گرنگ گرێدایى سياسەتا كابينا نوى يا حوکەمەتا هەرێمێ و لێكتێگەهشتنا هەولێر و بەغدا، ئابوور و داهات و بەرفرەهـكرنا پشت بەستنا ئابوورى نه بتنێ ل سەر نەفتێ، جێبەجێكرنا قانوونا چاكسازيێ، باشتركرنا پێشكێشكرنا خزمەتگوزاريان، هاتنه دياركرن.

سەرۆکێ لژنا قانوونی ل پەرلەمانێ کوردستانێ گۆت : “من دڤێت لڤێرێ ئاماژه ب قانوونا چاكسازيێ بدەم، قانوونا چاكسازيێ ئێك ژ وان باشترين قانوونانه هەر ژ دەستپێكا پەرلەمانێ كوردستانێ تا نوكه پەسەند بووى، ئەگەر وەك خوە بهێتە جێبەجێكرن دێ پارەکێ زوور بۆ حوکمەتێ زڤريت هەروەسان دادپەروەريەكا ئيدارى و جڤاکی دێ پەیدا بیت ب تاييبەتى ل سەر ئاستێ فەرمانبەر و مووچه خوران، يا دياره ئەڤ قانوونە پرۆژێ پارتى بوو ل ھە لبژارتنێن پەرلەمانێ كوردستانێ و دووڤ دا ئێك ژ خالێن گرنگێن كارناما كابينا نەهێ بوو، بڤێ چەندێ پارتى بەرنامێ خو يێ هەلبژارتنان دەستپێكر، سەرەراى دروستكرنا چەند كێشه و رێگريا ل بەردەم پەسەندکرنا پرۆژێ ڤێ قانوونێ ھەتا جێبەجێكرنا ڤێ قانوونێ، لێ دوهی د گۆتارا سەرۆكێ حوکمەتێ دا زوور ب روهنى هات كو دێ ئەف قانوونە هێته جێبەجێكرن و جەنابێ وى دێ هێته بەرەيێ خەلكى”.

ناڤهاتی گۆت : “جێبەجێكرنا قانوونا چاكسازيێ بوویە هيڤييا زۆربەيا خەلكى ب تاييبەتى تەخا فەرمانبەر، مووچه خوران و ڤی خەلکی ب خوە ژی باوەری ب دووپاتیا سەرۆکێ حوکمەتێ ھەیە بۆ چاکسازیێ، لەوما ب جێبەجێكرنا وێ ئەف خەلكه ب خوە ژى دێ هێنه بەرەيێ كابينا نەهێ ب سەرۆكاتيا (مەسرور بارزانى)”.

زێدەتر ببینە

پوستێن ھەمان بەشی

Back to top button
Close