پشتی کو ھاتی پشت راست کرن غازی سالح ئالیخان ژلایێ پەکەکێ ڤە ھاتیە شەھید کرن
پشتی کو ھاتی پشت راست کرن غازی سالح ئالیخان رێڤەبەرێ ئاساێشا سەرزێری ژلایێ پەکەکێ ڤە ھاتیە تیرورکرن و شەھید کرن، خەلکێ ھەرێما کوردستانێ دبێژیت مانە بەسە ، وداخازکارە ژ حکومەتا ھەرێما کوردستانێ سنورەکێ بو کار و کریارێن تیرورستی یێن پەکەکێ دانیتن و ژبەرکو بدەھان سالە ژبەر ھەبونا پەکەکێ بسەدان گوندێن سنوری ھاتینە چولکرن و ژین و ژیارا وەلاتێن گوندێن سنوری ژێ ھاتیە وەرگرتن ، تەنانەت رێگریکرن ل گوند نشینان ھاتیە کرن سەرەدانا باغ و بیستان و دەرەمەتێ خوە ژی بکەن ، لەوما وەلاتی دبێژن ئەگەر حکومەت رێگریان ل پەکەکێ نەکەتن ئەم نەچارین ری ب روی پەکەکێ ببین ، گوند نشینەک دبێژیت ل مەیدانا راستەقینەیا خوە پەکەکە بێ چاڤە و ھەمو تشتەکێ ژ دەولەتا خوە قەبیل دکتن و ل مەیدانا مە یا ئازادکری ژیانا ئازاد یا گوندیەکێ ل سەر مال و ئەردێ وی قەبیل ناکەتن ، لەوما بزاڤێن پەکەکێ بزاڤێن داگیرکەران و دوژمنانن بەرامبەر ھەرێما کوردستانێ.
