چلا ماته‌مینى یا خودێ ژێ رازى حه‌سه‌ن شێخ مسته‌فا برێڤه‌چوو

ئه‌ڤرو ب به‌رهه‌ڤبینا به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان، رێوره‌سمێن چلا ماته‌مینى یا خودێ ژێ رازى پێشمه‌رگێ هه‌ردوو شوره‌شێن ئه‌یلول و گولانێ و هه‌لگرێ مه‌دالیا بارزانیێ نه‌مر حه‌سه‌ن شێخ مسته‌فا برێڤه‌چوو، د ئێته‌ زانین ژى ئه‌ڤ بوونه‌ ب به‌رهه‌ڤبینا كه‌سوكارێن خودێ ژێ رازى هاته‌ ئه‌نجام دان، و د په‌یڤه‌كێ ده‌ به‌رێز عه‌لى عه‌ونى په‌سنا رولێ پێشمه‌رگه‌یێ قه‌هره‌مان حه‌سه‌ن شێخ مسته‌فا د شوره‌ش و به‌رخوه‌دانا گه‌لێ مه‌ ده‌ بلند نرخاند و ب كه‌سه‌كێ دلسوز و خودان هه‌لویسته‌كێ نه‌ته‌وه‌یى ل قه‌له‌مدا و به‌رێز به‌رپرسێ لقێ هه‌شت گوت ژى، كه‌سانێن وه‌ك خودێ ژێ رازى هه‌مى ده‌ما دێ د بیره‌وه‌ریێن مه‌دا مینن و نائێنه‌ ژ بیركرن، و ژ لایه‌ك دیڤه‌ په‌یڤا بنه‌مالا خودێ ژێ رازى ژى هاته‌ پێشكێش كرن و تێده‌ ژ دل سوپاسیا به‌رێز به‌رپرسێ لقێ هه‌شت و سه‌ركردایه‌تیا پارتى دیموكراتى كوردستان كرن و سوزدان ئه‌و ل سه‌ر رێبازا پارتى و بارزانى بمینن و لپێناڤ هیڤیێن گه‌لێ خوه‌ درێخیێ نه‌كن