كوردستان

بەرپرسێ لقێ چار : ھەتا نوکە زێدەتر ژ ٧٠ جاران تەقە ل بارەگایێن پارتی ل سلێمانیێ ھاتیە کرن

بەپرسێ لقێ ٤ یێ پارتی دیموکراتی کوردستان ئاشکراکر کو ھەتا نوکە زێدەتر ژ ٧٠ جاران تەقە ل بارەگایێ لقێ و لژنێن پارتی ل پارێزگەھا سلێمانیێ ھاتیە کرن.

سەعید پشدەری، بەپرسێ لقێ ٤ یێ پارتی گۆت” تەقەکرن ل بارەگایێن پارتی ژ حالەتێ یا بوویە دیاردە و ھەتا نوکە زێدەتر ژ ٧٠ جاران ھێرشێن چەکداری و تەقە ل بارەگایێن لقێ چار و ناوچێن پارتی ھاتیە کرن، ئەڤە ژی یا بوویە دیاردەکە نە جوان و نامۆ ل سلێمانیێ”.

رۆھنکر ژی” ڤی کاری کاریگەری ل سەر سلێمانیێ یا دروستکری و و پرسیارا جدی ژی ل سەر دەزگەھێن ئەمنی دروست کریە کو ئەرکێ وانە مال و گیانێ خەلکَ بپارێزن، بەلێ مخابن ھەتا نوکە بەردەوام بارەگایێن پارتی دبنە ئارمانج و دەزگەھێن ئەمنی ھەلویستێ جدی نینە و ھیچ دۆسێیەک ژ وان دۆسێیان ئەنجام نەبوو”.

سەعید پشدەری دووپاتکر ژی” دەزگەھێن ئەمنی بەرپرسیارن ھەم ژ وێ چەندێ رێ ل دووبارەکرنا کارێن ب وی شێوەی بگرن، ھەم کەیسێن پێشتر ئاشکرا بکە نکا کی بوون تەقە کری”.

بەرپرسێ لقێ چار خویاکر” ھێرشا بەری چەند رۆژان ل سەر لژنا ناوچا ئێک ل سلێمانیێ ھیچ ئەنجامەک نەبوو، وان دۆسیێن کو پێشتر سکالا ھاتیە تۆمارکرن، ھیچ ئەنجامەک بۆ وان ژی نەبوو، د کامیرێن مە دا ب رۆھنی دیاردبیت سێ کەس دناڤ ترومبێلەکا لاندگرۆزەر دا تەقێ ل بارەگایێ لژنا ناوچا ئێک یا سلێمانی دکەن، بارەگایێ لژنێ دیارە چاوان کریە ئارمانج و تەقەکرن و ھێرشکرن ل سەر بارەگایان چوویە د قۆناغەکا نوو دا ل سلێمانیێ و ب ئاشکرا ل بەرچاڤێ کامیرێن چاڤدێریێ ھێرش دھیچنە ئەنجامدان”.

زێدەتر ببینە

پوستێن ھەمان بەشی

Back to top button