ساخله‌می

پتر ژ ١٤ ھزار نەخۆشیێن پەنچەشێرێ ژ خزمەتێن ساخله‌میێ مفاداربووینە

رێڤەبەرێ سەنتەرێ  ئازادی یێ نەخۆشیێن پەنچەشێرێ ل دھۆکێ راگەھاند خزمەتیێن ھاتینە پێشکێشکرن بۆل سالا ٢٠١٩ێ پتر ژ ١٧ ھزار نەخۆشان مفاداربووینە و سالا ٢٠٢٠ێ ل دھۆکێ پتر ژ ١٤  ھزار کەسان مفادار بووینە ژ خزمەتیێن ھەمە جۆر یێن ھاتینە پیشکیشکرن بۆ نەخۆشان کو پتریا وان ژی نەخۆشین جۆری خوینێ پتر بووینە.

د. زەکی  عەلی بەرواری، رێڤەبەرێ  سەنتەرێ ئازادی یێ نەخۆشیێن پەنچەشێرێ ل دھۆکێ دپرێس کونفرانسەکێ رۆژنامەڤانێدا ئاشکەرا کر:” سەرەرایێ نەخۆشیا کۆرۆنایێ وقەدەغەیا ھاتن وچووندا سەنتەرێ پەنچەشێرێ نەھاتیە داخستن وبەردەوام خزمەت پێشکێشی نەخۆشان کریە ھەروەسا سەندوقا نەخۆشیا پەنچەشێرێ ل ھەرێما کوردستانێ زۆر خزمەتا خەلکێ مە دکەت ھەر دەرمانەکێ بھایێ بیت ژ سەندوقا پەنچەشێرێ دھێتە دابینکرن و نەخۆشێێن پێدڤی چاندنا مەژیێ ھەستی بن ل سەر ئەرکێ حکومەتا ھەرێما کوردستانێ بۆ دەرڤەی وەلاتی دھێنە رەوانەکرن”.

خۆیا ژی کر:” سالە ٢٠١٩ێ ھەموو جۆرێن پەنچەشێرێ ل دھۆکێ ھزار و٣١٠ بووینە و٥٩٥ زەلام بوون یێن دیتر ژن بووینە وسالە ٢٠٢٠ێ ل دھۆکێ  ٧٠٠ نەخۆش ھاتینە تۆمارکرن  کو رێژا کێمبوویە و ٢٩٢ نەخۆشیێن پەنچەشێرێ گیانی خۆ ژدەستدایە سالا بۆرێدا”.

د. زەکێ ، گۆت:” داخوازی ژ حکومەتا ھەرێما کوردستانێ دکەین نەخۆشخانا پەنچەشێرێ ل دھۆکێ بھێتە ئاڤاکرن و سەنتەرەکێ دێ بۆ نەخۆشین پەنچەشێرێ دھێتە دروستکرن وپارە ژی ھاتیە تەرخانکرن ھەروەسا ژی پرۆژەک دێ ژی ھاتیە بەرھەڤکرن بۆ دھۆکێ ئەوژی سەنتەری چاندنا مەژیێ ھەستێ دێ ل دھۆکێ ھێتە ئاڤاکرن”.

زێدەتر ببینە

پوستێن ھەمان بەشی

بەرچاڤکرنا پوستێن گرنگ
Close
Back to top button