باسکتبولوه‌رزش

باسکت بۆلا زاخۆ دێ پیشەکارەکی ئینیت

د داخویانیەکێ دا راھێنەرێ تیما باسکت بۆلا یانا زاخۆ دیارکر ل نێزیک چاڤەڕێ ھاتنا یاریزانەکێ پیشەکار رەکەز ئەمریکی نە ژبۆ پشکداریێ دگەل تیما وان بۆ یاریێن بھێت یێن خولا نایابا عیراقێ .

زێدەتر جوتیار عەلی گۆت: پەیوەندی ل گەل یاریزانەکێ پیشەکارێ وەلاتێ ئەمریکی برایتۆن ھۆبس ھاتیەکرن ژبۆ بھێزکرنا رێزێن تیما مە و لسەر چەند خالان رێکەفتینە و چاڤەڕێ بریکارێ وی نە بۆ پێنگاڤێن دووماھیێ ژبەرکو مە پێدڤییەکا زێدە ب شیانێن وی ھەیە و گەشبینم ھاتنا پیشەکاری دێ ئەنجامێن مە باشتربن، من دیڤچوونا سێڤیێ وی کریە ئەوێ چەندین خول و قارەمانیێن ئەمریکا و وەلاتێن عەرەبی دا پشکداربوویە و جھێ یاریا لێ دکەت بوو مە گەلەک گرنگە و ئەم پێدڤی نە، لەورا گرێبەستا وی دێ یا سەرکەفتی بیت و دێ بیتە ئەگەرێن بدەستڤەئینانا خالێن یاریان.

زێدەتر ناڤھاتی گۆت: کارگێریا یانا زاخۆ پشتەڤانیا خوە دیارکریە و گلوپا کەسک بۆ مە ھەلکری ژبۆ ئینانا وی پیشەکاری و ئەم نوکە دا چاڤەرێ بەرسڤا دوماھیێ نە ھەکە ئەو یاریزانە ل سەر بھایێ مە پێشکێشی کری رازی بوو دێ بزاڤێ کەین بلەزترین دەم ب گەھیتە باژێرێ زاخۆ بۆ ئیمزاکرنا گرێبەستێ و پشکداریێ.

زێدەتر ببینە

پوستێن ھەمان بەشی

Back to top button