نووچه
دوماھی ب شەش خولێن رەوشەنبیری ھاتە ئینان
ب ئامادەبوونا بەرێز عەلی عەونی ئەندامێ جڤاتا سەرکردایەتیێ و بەرپرسێ لقێ٨ یێ پارتی دیموکراتی کوردستان، دوماھی ب شەش خولێن رەوشەنبیری ھاتە ئینان یێن کو ژلایێ نڤیسینگەھا رێکخستنا لقێ٨ ڤە بو شەش لیژنەیێن ناوچان ھاتیە ڤەکرن و تێدا ژمارەکا کادرو ئەندامێن پارتی پشکداری تێدا کرین. د پەیڤەکێ دا بەرپرسێ لقێ٨ ئاماژە ب گرنگی یا وان خولێن رەوشەنبیری کر ژبو ئاڤاکرن و پێگەھاندنا کادر وئەندامێن پارتی و زەنگینکرنا وان چەندین زانیاریێن گرنگ.ھەروەسا بەرێز عەلی عەونی، کورتیەک ژی دا سەر رەوشا سیاسیا عیراقێ وھەرێما کوردستانێ و دوماھی پێشڤەچوونێن دەڤەرێ زەلال کر. ل داویا ڤان رێورەسمان ژی بەرپرسێ لقێ٨ سوپاسیا ماموستایێن خولێ کر وداخوازا سەرکەفتنێ ژی بو پشکداربوویان خواست و، پاشی باوەرنامە و سوپاسیێن پشکداربوونێ ب سەر واندا بەلاڤکرن.
