ئه‌ردۆغان به‌حسا رۆخاندنا قه‌ندیلی و شنگالێ دكه‌ت
سه‌رۆك كۆمارێ توركیا فتارا خوه یا دوهی ل زانكۆیا به‌رگرییا نیشتیمانی كر و دیاركر، وه‌لاتێ وی رژده قه‌ندیل و شنگالێ ب سه‌ر په‌كه‌كێ دا ب رۆخینیت.
ره‌جه‌ب ته‌یب ئه‌ردۆغان د گۆتاره‌كێ دا ل زانكۆیا به‌رگرییا نیشتیمانییا توركیا گۆته فێرخوازان : هه‌و جیهان ب سه‌ركه‌فتنێن خوه د ئۆپه‌راسیۆنێن چه‌قێ زه‌یتوونێ و مه‌رتالا فوراتی حێبه‌تی كرن، نێزیكه ژی هوون دێ مبنجێ و رۆژهه‌لاتا فوراتی ژ ده‌ست رێكخستنێن تیرۆرستی ده‌رئینن.
ئه‌ردۆغان ب فێرخوازێن زانكۆیا به‌رگرییا نیشتیمانی ژی گۆت: هه‌ر هوون دێ به‌رده‌وامیێ ده‌نه سه‌ركه‌فتنێ و دێ قه‌ندیل و شنگالێ ژی ب سه‌ر په‌كه‌كێ دا رۆخینن.
سه‌رۆك كۆمارێ توركیا پتری ساله‌كێ یه گه‌فا هێرشا سه‌ر قه‌ندیل و شنگالێ دكه‌ت، ئه‌و یه‌ك ژی د بانگه‌شه‌یا هه‌لبژارتنێن خزیرانا بۆری و هه‌روه‌ها یێن شاره‌دارییان ب ئاشكرایی هات بكارئینان
