به رپرسێ لقی٨ د گەل سەرۆکهۆز وکەسایەتیێن پساغا کۆمبوو

عەمەر ئۆرەیی، بەرپرسێ لقێ٨ یێ پارتی دیموکراتی کوردستان بهەڤالەتیا شاندەکێ کارگێری سەرەدانا ئۆجاخا پساغا-سندی کرن و ژلایێ بەرێزان عەمەر ئاغا سەرۆکهۆزێ سندیان، عەلی عەونی ئەندامێ کۆمیتا ناڤەندی وعەبدوللا بشار بەرپرسێ دەزگایێ ئەیلول وگولان وچەندین کەسایەتیێن دیتر ڤە هاتنە پێشوازیکرن.

د روینشتنەکێ دا د گەل ژمارەیەکا رهسپی و کەسایەتیێن وێ ئوجاخێ، بەرپرسێ لقێ٨ رۆناهی ئێخستە سەر نویترین پێشهاتێن سیاسی و ئەمنی ل عیراقێ وهەرێما کوردستانێ و هەروەسا ئەو گهۆرینێن ل دەڤەرێ پەیدا دبن ب تێروتەسەلی بەحسکر.

د تەوەرەکێ دیتر یێ رونشتنا خوە دا، بەرێز عەمەر ئۆرەیی، چەندین مژار و بابەتێن گرێدایی هزرا نشتیمانی و گەهاندنا خزمەتگۆزاریان و پەیداکرنا هەماهەنگیەکا باشتر د گەل سازیێن حکومی پێخەمەت بەرژەوەندیا گشتی بەحسکرن.