بەرپرسێ لقێ هەشت بەشداری رێورەسمێن دەرچوونا خۆلا پێگەهاندنا ١٣٠٠ پێشمەرگەیێن فەرماندەیا بارزان دبیت
ئەڤرۆ، ب ئامادەبوونا بەرێز بابەکر زێباری نوینەرێ سەرۆک بارزانی و بەرێز عومەر ئۆرەیی نوینەرێ مەکتەبا رێکخستنا پارتی ل پارێزگەها دهۆکێ و بەرپرسێ لقێ ٨ێ پارتی دیموکراتی کوردستان ل زاخۆ و بەرێز بەهرام عەریف یاسین بەرپرسێ لقێ ١٠ یێ پارتی ل سوران و بەرێز لیوا حەسەن نووری بەرپرسێ مەکتەبا رێکخستنا پێشمەرگەی و بەرێز بەهزاد بارزانی فەرماندەیێ فەرماندەیا بارزان و بەرێز عەلی عەونی بەرپرسێ لقێ ئێک یێ پارتی ل دهۆکێ و بەرهەڤبوونا هژمارەکا پلەدارێن سەربازی و حکۆمی، خۆلا پێگەهاندنا ١٣٠٠ پێشمەرگەیێن فەرماندەیا بارزان ب دوماهی هات.
بەرپرسێ لقێ ۸ێ پارتی دیموکراتی کوردستان ب هەلکەفتا دەرچوونا خۆلێ؛ پیرۆزباهیا کەس و کارێن هەر ١٣٠٠ پێشمەرگەیا و خەلکێ کوردستانێ دکەت و دیارکر کو ئەڤ خۆلا پێگەهاندنێ یا کو بۆ ماوەیێ ٣ هەیڤان مەشق و راهێنانێن سەربازی یێن پراکتیکی ب پێشمەرگەیێن فەرماندەیا بارزان هاتینە دان، ئێک ژ خۆلێن ل ئاست بلند بوویە کو ئاستێ رۆشنبیریا سەربازی یا پێشمەرگەیان بلندتر دکەت و بەرێز عومەر ئۆرەیی دەستخۆشیێ ل فێرگەهێن لەشکەری دکەت کو بێ ماندیبوون خزمەتا پێشمەرگەیێن هەرێما کوردستانێ دکەن.
