بەرپرسێ لقێ هەشت یێ پارتی:چارەسەرکرنا کێشەیا جاددەیا سەرەکیا دەرکارێ ئەرکێ مە پارتی بوویە و دەستخۆشیێ ل کادرێن خوە یێن ئیداری دکەین
ئەڤرۆ ب بەرهەڤبوونا بەرێز عومەر ئۆرەیی بەرپرسێ لقێ هەشتێ پارتی دیموکراتی کوردستان ل زاخۆ و بەرێز مشیر محمد بشیر قایمەقامێ قەزا ناڤەندیا زاخۆ و رێڤەبەرێن سازیێن گرێدایی سنۆرێ ئیدارا سەربەخۆیا زاخۆ، جاددەیا سەرەکییا ناحیا دەرکارێ ژ لایێ بەرێز گوهدار شێخۆ سەرپەرشتیارێ ئیدارا سەربەخۆیا زاخۆڤە هاتە ڤەکرن و ئێدی کەفتە د خزمەتا خەلکێ دا.
بەرپرسێ لقێ هەشتێ پارتی دیموکراتی کوردستان ل زاخۆ پیرۆزباهیا خەلکێ ناحیا دەرکارا شورەشگێر کر کو خەلکێ دەڤەرێ قوربانیێن زۆر داینە و ژ هەژینە خزمەتێن مەزن و پرۆژەیێن ستراتیژی بۆ وان بهێنە ئەنجام دان و ئەو جاددەیا سەرەکی کو درێژاهیا وێ ۱٦٥٠ مەترن ئێک ژ پێتڤیێن فەر بوویە و کێشەیا هاتن و چوونێ دێ هێتە چارەسەرکرن و ئەم وەکو لقێ هەشتێ پارتی دیموکراتی کوردستان د خزمەتا خەلکێ خوە یێ خۆشتڤی داینە و دەستخۆشیێ ل بەرێز گوهدار شێخۆ سەرپەرشتیارێ ئیدارا سەربەخۆیا زاخۆ و بەرێز مشیر محمد بشیر قایمەقامێ زاخۆ و بەرێز دلشێر عەبدولستار رێڤەبەرێ ناحیا دەرکارێ دکەین کو ب ئێک تیمی ئەڤ خزمەتە پێشکێشی دەرکارێ کرین و خەلکێ خوە یێ دەرکارێ پشت راست دکەین کو چارەسەرکرنا کێشەیا جاددەیا سەرەکی ئەرکێ مە پارتی بوویە و زێدەباری دەستخۆشیێ ل کادرێن خوە یێن ئیداری دکەین، بۆ خەلکێ خوە ژی دیار دکەین کو د بەرنامەیێ حکۆمەتێ دایە خزمەتکرن ل ناحیا دەرکارێ یا کو سەر ب قەزا ناڤەندییا زاخۆڤە دێ بەردەوام بیت.
