نووچه
بەرپرسێ لقێ ٨ێ پارتی پێشوازی ل ستافێ لقا زاخۆ یا ئێکەتیا بەلێندەرێن کوردستانێ کر
ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبینا بەرێز حەکیم عەبدوللا بەرپرسێ بەشێ جەماوەری و پێشەیی یێ لقێ هەشت، پێشوازی ل ستافێ لقا زاخۆ یا ئێکەتیا بەلێندەرێن کوردستانێ کر.
پەرپرسێ لقێ ٨ێ پارتی دیموکراتی کوردستان ل زاخۆ دگەل شاندێ بەلێندەرێن زاخۆ باس ل رەوشا کارو خزمەتێن بەلێندەران بۆ باژێرێ زاخۆ کر و خۆیاکر کو لقێ هەشت یێ پارتی دبەرهەڤن بۆ هەر خزمەتەکا تەخا بەلێندەران و گرنگە پێکڤە خزمەتا باژێرێ زاخۆ بکەین و بەرژەوەندا باژێری د سەر هەمی تشتی ڕا یە و بەرێز عومەر ئۆرەیی پیرۆزباهی ل ستافێ نوی یێ لقا زاخۆ یا ئێکەتیا بەلێندەرێن کوردستانێ کر و دیارکر کو دەست ب کاربوونا وان دێ فاکتەرەک بیت کو زویتر و باشتر خزمەتا تەخا بەلێندەرێن زاخۆ بهێتە کرن.
