بەرێزان د. پشتیوان سادق و عومەر ئۆرەیی سەرەدانا خیڤەتگەها پێشکەفتن یا لاوێن زاخۆ دکەن
ئەڤرۆ بەرێز د. پشتیوان سادق، ئەندامێ مەکتەبا سیاسی و بەرپرسێ مەکتەبا رێکخستنا دهۆک یا پارتی و بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ سەرەدانا خیڤەتگەها پێشکەفتن یا لاوێن زاخۆ کرن.
بەرپرسێ مەکتەبا رێکخستنا دهۆک یا پارتی و بەرپرسێ لقێ ٨ێ پارتی دیموکراتی کوردستان ل زاخۆ دەستخۆشی ل ناڤەندا بالا یا زاخۆ یا ئێکەتیا لاوێن دیموکراتی کوردستانێ کرن کو ب هەڤکاری دگەل رێڤەبەریا چالاکیێن وەرزشی و دیدەڤانی یا سەر ب رێڤەبەریا گشتی یا پەروەردا زاخۆ ئەڤ خیڤەتگەهە بۆ پێگەهاندنا ۱۷٥ لاوان ژ کچ و کورێن سنۆرێ ئیدارا سەربەخۆیا زاخۆ ڤەکری و بەرێز عومەر ئۆرەیی خۆیاکر ژی پێگەهاندنا لاوان د بابەتێن زانستی، رەوشەنبیری، وەرزشی و هۆنەری دا ژ ئارمانجێن پارتا مەیە و هیڤیخوازین کو ئەو هەشت گرۆپێن هاتین چێکرن پێکڤە خزمەتا ئێکدوو بکەن و گۆت ژی؛ ئەم وەکو لقێ هەشت یێ پارتی ژی پشتەڤان و هەڤکارین بۆ هەر خزمەتەکا لاوێن سنۆرێ ئیدارا سەربەخۆیا زاخۆ پێتڤی پێ هەبیت.
