بەرێزان د. پشتیوان سادق و عومەر ئۆرەیی سەرەدانا چەند خێزانێن شەهیدان دکەن
ئەڤرۆ بەرێز د. پشتیوان سادق، ئەندامێ مەکتەبا سیاسی و بەرپرسێ مەکتەبا رێکخستنا دهۆک یا پارتی و بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبوونا بەرێزان ژیان عومەر و محموود خۆرشید کارگێرێن لقێ هەشت و بەرێزان بەرپرسێن لیژنەیێن ناڤخۆ یێن خابوور، زاخۆ، سەردەم و گۆلان یێن پارتی ل زاخۆ، سەرەدانا خێزانێن شەهیدێن جانەمەرگ (محمد شفیق سعداللە، حجي قادو حسین، فخري عمر ابراهیم، پیرو حاجی پیرو و عبدالمجید حمید فهمي) کرن.
د سەرەدانێ خوەدا بەرپرسێ مەکتەبا رێکخستنا دهۆک یا پارتی و بەرپرسێ لقێ ٨ێ پارتی ل زاخۆ دگەل خێزان و مالباتێن شەهیدان باس ل رۆلێ شەهیدێن قارەمان کرن کو هەمی ژیانا خوە بۆ کوردایەتیێ تەرخانکربوون و ل دوماهیێ خوە قوربانی ئاخا پیرۆزا کوردستانێ کرن و گەهشتنە کاروانێ شەهیدان و دیارکرن کو پارتی دیموکراتی کوردستان هەمی دەما ب شەهیدێن خوە و ب خۆڕاگریا مالباتێن وان سەربلندە و هایداربوونا مە ل رەوشا خێزانێن شەهیدان ئەرکێ مەیە ژبەرکو ئەو جهێ شانازییا مللەتێ مەنە و ل گۆرەیی بەرنامەیێ خوە دێ بەردەوام بین ل سەرەدانێن خوە بۆ خێزانێن شەهیدان.
