نووچه
بەرێز عومه‌ر ئوره‌یی به‌رپرسێ لقێ ٨ پێشوازی ل رێڤه‌به‌رێ گشتیێ وه‌به‌رهێنانێ ل ئیدارا سه‌ربه‌خویا زاخۆ كر
بەرێز عومه‌ر ئوره‌یی به‌رپرسێ لقێ ٨ یێ پارتی دیموكراتی كوردستان پێشوازی ل به‌رێز (جه‌گه‌رخوین تاهر) رێڤه‌به‌رێ گشتیێ وه‌به‌رهێنانێ ل ئیدارا سه‌ربه‌خویا زاخۆ كر.
د دیداره‌كێ دا رێڤه‌به‌رێ گشتیێ وه‌به‌رهێنانێ سوپاسیا به‌رپرسێ لقێ ٨ كر بۆ پێشوازیی و هه‌ماهه‌نگیا بهێز یا دناڤبه‌را سازیێن حكومی و حزبی دا, و رونكرنه‌ك لسه‌ر كار و پلان به‌رنامێ وان یێ بوری و پلانێن رێڤبه‌ریێ د ئاینده‌یی دا بۆ پێشڤه‌برنا ره‌وشا باژێرێ زاخۆ ژ ئالیێ شارستانی دا كر.
به‌رێز عومه‌ر ئوره‌یی ده‌ستخوه‌شی ل رێڤه‌به‌رێ گشتیێ وه‌به‌رهێنانێ ل ئیدارا سه‌ربه‌خویا زاخۆ كر و پشته‌ڤانیا لقێ هه‌شت بۆ هه‌ركاره‌كێ پێدڤی بیت بۆ رێخوشكرن و پێشڤه‌برنا ره‌وشا باژێری و هه‌ماهه‌نگیا دناڤبه‌را دام و ده‌زگه‌هێن په‌یوه‌ندیی دار دا دیاركر.
