نووچه
بەرێز عومەر ئورەیی: ئاڤاکرنا نەخۆشخانەیەکا مۆدرن ل خەلکێ قەزا باتیفا پیرۆز دکەین
ئەڤرۆ ب بەرهەڤبوونا بەرێز عومەر ئۆرەیی بەرپرسێ لقێ هەشتێ پارتی دیموکراتی کوردستان ل زاخۆ و هژمارەکا قایمەقام و رێڤەبەرێن سازیێن گرێدایی سنۆرێ ئیدارا سەربەخۆیا زاخۆ و کەسایەتی و رهـ سپیێن قەزا باتیفا، بەرێز گوهدار شێخۆ بەرێ بنیاتێ بۆ نەخۆشخانەیەکا مۆدرن یا چل تەختی ل سەر رووبەرێ پێنج هزار مەترێن دووجا هاتە دانان.
بەرپرسێ لقێ هەشتێ پارتی دیموکراتی کوردستان ل زاخۆ ب ڤێ هەلکەفتێ پیرۆزباهیا خەلکێ خۆشتڤیێ قەزا باتیفا دکەت کو دەست ب ئاڤاکرنا نەخۆشخانەیەکا مودرن هاتە کرن و دیارکر کو باتیفا ژ هەژی هەر خزمەتەکێ یە و دێ بەردەوام خزمەتا باتیفا کەین و باتیفا پێتڤی ب ڤەژەنەکا باش یا پرۆژەیێن ستراتیژی هەیە و د بەرنامەیێ حکۆمەتێ دا هەیە ب رێکا ئیدارا سەربەخۆیا زاخۆ پرۆژەیێن گرنگ ل باتیفا ئەنجام بدت.
