بەرێز عومەر ئۆرەیی: ئەو چوار گەنجێن د خابیریدا جانێ خوە ژ دەستداین زارۆکێن مەنە و سەرساخیێ ل مالباتێن وان دکەین

‎بەرێز عومەر ئۆرەیی بەرپرسێ لقێ ۸ێ پارتی دیموکراتی کوردستان ل زاخۆ د پەیامەکا سەرساخیێ دا هەڤخەمیا سەرکردایەتیا پارتی دیموکراتی کوردستان و لقێ ۸ێ پارتی بۆ مالباتێن هەر چوار گەنجێن دناڤ خابیرێ زاخۆدا خەندقین و جانێ خوە ژ دەستداین دیار دکت و ئەڤا ل خوارێ دەقێ پەیاما لقێ هەشت یێ پارتی یە:

ب ناڤێ خودایێ مەزن و دلۆڤان
ب خەم و کۆڤانەکا مەزنڤە خەبەرێ گیان ژ دەستدانا چوار گەنجێن مە ب ناڤێن (ا،ر.ی) دژیێ (١٤) سالیێ دا د خابیرێ زاخۆ دا ل گۆندێ دوولا و (م.ا.ص) دژیێ (١٣) سالیێ دا د خابیرێ زاخۆ دا ل گۆندێ چەمکۆرک و (ا،ح.م) دژیێ (١٤) سالیێ دا د خابیرێ زاخۆ دا ل نزیک پرا دەلال و (ر،خ.س) دژیێ (۱۷) سالیێ دا د خابیرێ زاخۆ دا ل گۆندێ خوالشێ پشتی روودانێن خەندقینێ و گیان ژ دەستدانا ڤان ٤ گەنجان، خەمەکا مەزن ب سەر مە دا هات و ڤی خەبەرێ تاڵ ئەم گەلەک دلگرانکرین هەروەکو مە چوار زارۆکێن خوە ژ دەستداین.

ب ناڤێ سەرکردایەتیا پارتی دیموکراتی کوردستان و لقێ ۸ێ پارتی، سەرساخیێ ل مالباتێن وان دکەین و ئەڤ گەنجێن د خابیرێ زاخۆدا جانێ خوە ژ دەستداین زارۆکێن مەنە و خودایێ مەزن جهێ وان بکەتە مێرگەک ژ مێرگێن بەهشتێ، خۆدێ سەبر و هەدارێ بدت مە و مالباتێن خۆدێ ژێ رازیان.

انا للە و انا الیە راجعون