بەرێز عومەر ئۆرەیی بەشداریی د ئاهەنگا دەرچوونا قوتابیێن زانکۆیا زاخۆ دا کر

بەڕێز عومەر ئۆرەیی بەرپرسێ لقێ هەشت یێ پارتی ل زاخۆ ب یاوەریا بەڕێز گوهدار شێخۆ سەرپەرشتێ ئیدارا سەربەخۆیا زاخۆ و بەرێز سەربەست لەزگین بەرپرسێ مەکتەبا ڕێکخستنا پارتی ل پارێزگەها دهۆکێ، و ب بەرهەڤبوونا چەندین سەرۆکێن زانکۆ و پەیمانگەهان، بەشداری ئاهەنگا گەڕا ١٥ یا دەرچوونا قوتابییێن زانکۆیا زاخۆ بی.

‎بەرپرسێ لقێ هەشت گەرمترین پیرۆزباهیێن خوە ئاراستەیی قوتابیێن خۆشتڤی و ماموستا و ستافێ سەرۆکاتیا زانکۆیا زاخۆ و تەڤایا خەلکێ کوردستانێ و ئیدارا سەربەخۆ یا زاخۆ کر و دەرچوونا تەخەکا نوی و ئاڤاکرنا رێژەیەکا باش یا گەنجێن مە یێن باژێرێن زاخۆ، دهۆک و ئاکرێ، ئامێدی و باژێرێن دی یێن کوردستانێ یێن چالاک و خۆدان شیان ل زانکۆیا زاخۆ، ب ئەگەرەکێ ب هێز دایە دیارکرن کو د بابەت و بیاڤ و زانستێن جودا جودا دا خزمەتا کوردستانێ دێ هێتەکرن کو گەنجێن مە یێن زانستخواز پالنەرێ بهێزکرنا بنەسترا ئاڤاکرن و پێشڤەچوونێن هەرێما کوردستانێنە.