نووچه
بەرێز عومەر ئۆرەیی بەشداری ساخکرنا یادا ۷۱ سالیا دامەزراندنا ئێکەتیا ئافرەتێن کوردستانێ کر
ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ دگەل شاندەکێ کارگێریا لقێ هەشت، سەرەدانا بارەگایێ ئەنجۆمەنێ زاخۆ یێ ئێکەتیا ئافرەتان کر و دگەل واندا بەشداری ساخکرنا یادا ۷۱ سالیا دامەزراندنا ئێکەتیا ئافرەتێن کوردستانێ کر.
بەرپرسێ لقێ ٨ێ پارتی دیموکراتی کوردستان ل زاخۆ پیرۆزباهیێن لقێ هەشت ئاراستەی مەکتەبا سکرتاریەتا ئێکەتیا ئافرەتێن کوردستانێ و ب تایبەت ئەنجومەنێ ئافرەتان ل سنۆرێ ئیدارا سەربەخۆیا زاخۆ و تەڤایا ئافرەتێن باژێرێن زاخۆ و باتیفا کرن.
بەرپرسێ لقێ ٨ێ پارتی دیموکراتی کوردستان ل زاخۆ خۆیاکر کو ئێکەتیا ئافرەتێن کوردستان ئێک ژ قوتابخانەیێن گرنگ یێن پێگەهاندن و موکومکرنا هەستێ کوردایەتیێ یە و ب درێژاهیا شورەش و بزاڤێن رزگاریخوازا گەلێ کورد، ئەندامێن ڤێ رێکخراوەیێ ل پێناڤ ئازادیا گەلێ مە، هێزەکا مەزن پەیداکرینە و جهێ شانازی و سەربلندیا مەنە و ئەم وەکو لقێ هەشت یێ پارتی رۆل و گرنگییەکا بەرچاڤ ددەینە ڤێ رێکخراوەیا خەباتکار و پشتەڤانین د هەر کار و پرۆژەیەکێ واندا کو د خزمەتا ئافرەتێن دەڤەرێ دا بیت.
