نووچه
بەرێز عومەر ئۆرەیی ب رێکا کەنالێ دەلال پرۆژەیێن خێرخوازی یێن لقێ ٨ێ پارتی بۆ هەیڤا رەمەزانا پیرۆز رادگەهینیت
بەرێز عومەر ئۆرەیی بەرپرسێ لقێ هەشت زێدەباری پیرۆزکرنا هەیڤا رەمەزانا پیرۆز ل موسلمانێن جیهان و کوردستانێ و ب تایبەت یێن ئیدارا سەربەخۆ یا زاخۆ؛ ب رێکا دەلال مێدیا پرۆژەیێن خێرخوازی یێن لقێ ٨ێ پارتی بۆ هەیڤا رەمەزانا پیرۆز رادگەهینیت:
– ٢٥ فرنێن نانی ل سنورێ ئیدارا سەربەخۆ یا زاخۆ ل هەمی رۆژێن رەمەزانێ دێ بێ بەرامبەر نانی پێشکێشی خەلکێ کەن.
– هەمی نۆژدارێن سنورێ ئیدارا سەربەخۆیا زاخۆ دێ پلێتێت چوونا دەف نۆژداری کەنە دەهـ هزار دینار .
– دروستکرنا فتارێ بۆ هەمی قوتابیێن زانکۆ و پەیمانگەها ئەوێن ل بەشێ ناڤخۆیی دمینن ب هاریکاریا هندەک خێرخوازا.
– ئەنجامدانا بەریکانەیەکێ ب سەرپەرشتییا رێڤەبەریا ئەوقاف و کاروبارێن ئایینی ل زاخۆ کو ب رێکا شاشا کەنالێ دەلال دێ ٢٠ عومرە بۆ بیست سەرکەفتیێن ئێکێ هێنە بەخشین.
– دروستکرنا ١٠ فتارێت بەرفرەهـ ل کۆمەلگەهێن جودا جودا سەر ل سنۆرێ ئیدارا سەربەخۆیا زاخۆ.
– بەشداریکرن و هەماهەنگی دگەل هەمی چالاکی و کارێن خێرخوازیێن ل ئیدارا سەربەخۆیا زاخۆ دهێنە ئەنجامدان.
و د هەیڤا رەمەزانا پیرۆز دا ب بەردەوامی دێ لقێ هەشت پرۆژەیێن خوە یێن خێرخوازی هەبن.
