بەرێز عومەر ئۆرەیی تیما لاوێن باسکت بۆلا زاخۆ کو بوویە قارەمانا عێراقێ، خەلات دکەت

بەرێز عومەر ئۆرەیی بەرپرسێ لقێ ۸ێ پارتی دیموکراتی کوردستان ل زاخۆ ب هەڤالینیا دەستەیا کارگێرییا لقێ هەشت، پێشوازی ل تیما لاوێن باسکت بۆلا زاخۆ کر کو شیاینە ناسناڤێ قارەمانییا باسکت بۆلا عێراقێ دەستڤە بهینن و بەرپرسێ لقێ هەشت د رێورەسمەکێ ژ هەژی دا دەستەیا یانەیا زاخۆ یا وەرزشی و راهێنەر و سەرجەم یاریکەرێن تیما لاوێن باسکت بۆلا زاخۆ یێن گەنج و قارەمان خەلات کر.

‏‎ بەرپرسێ لقێ ۸ێ پارتی دیموکراتی کوردستان ل زاخۆ د پەیڤەکێدا خۆیاکر کو تیما لاوێن باسکت بۆلا زاخۆ سەرێ خەلکێ ئیدارا سەربەخۆ یا زاخۆ بلند کر و دووبارە سەلماندن کو د هەمی واراندا خەلکێ زاخۆ ب تایبەت گەنجێن وێ یێن خۆدان شیان قارەمانن و بەرهەڤن بۆ دەستڤەئینانا هەر قارەمانییەکی د هەر وارەکیدا و گۆت ژی؛ ئەم وەکو لقێ ۸ێ پارتی دیموکراتی کوردستان دێ بەردەوام بین ل سەر پشتەڤانیا خوە بۆ تیما لاوێن باسکت بۆلا زاخۆ و هەمی تیمێن دی یێن وەرزشی یێن گرێدایی یانەیا زاخۆ یا وەرزشی.