بەرێز عومەر ئۆرەیی: دەستخۆشیێ ل قوتابخانەیا سەرەڕم یا ئێکەتیا قوتابیان دکەین کو خزمەتێ بۆ ب هێزکرنا ئاستێ ٦٠٠ قوتابیان دکەن
ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب هەڤالینیا بەرێز حەکیم عەبدوللا بەرپرسێ بەشێ پیشەیی و جەماوەریێ لقێ هەشت سەرەدانا قوتابخانا سەرەڕم یا وەرزێ هاڤینێ یا ئێکەتییا قوتابییێن کوردستانێ کر ژبۆ بهێزکرنا ئاستێ قوتابییێن پۆلا دوازدێ ژ هەردوو لقێن ( زانستی و وێژەیی) ل سنۆرێ ئیدارا سەربەخۆ یا زاخۆ کو د ڤێ قوتابخانەیێ دا ( ٦٠٠) قوتابی ژ هەردوو رەگەزان بەشداری کرینە.
بەرپرسێ لقێ ٨ێ پارتی دیموکراتی کوردستان ل زاخۆ د سەرەدانا خوە دا سوپاسیا لقێ زاخۆ یێ ئێکەتیا قوتابیێن کوردستانێ و ماموستایێن قوتابخانەیا سەرەڕم کر کو بێ ماندیبوون خزمەتا قوتابیێن سنۆرێ ئیدارا سەربەخۆیا زاخۆ دکەن و دیارکر کو قوناغا دوازدەیێ ئامادەیی ژبەرکو قوناغەکا گرنگ و هەستیارە بۆ دیارکرنا چارەنڤیس و پاشەرۆژا قوتابی لەورا یا فەرە ئەم هەمی پێکڤە خزمەتا وان بکەین و ئەم وەکو لقێ ۸ێ پارتی ژی هەردەم هاریکار بووینە و دێ بەردەوام خزمەتا قوتابیێن خوە کەین ژ پیخەمەت ب هێزکرنا ئاستێ وان ل ڤێ قوناغێ دا و داخوازێ ژ قوتابیان ژی دکەین ڤی ماوەیێ زێڕین ب گرنگ بزانن و مفایی ل دەمی وەەبگرن.
