بەرێز عومەر ئۆرەیی رێز ل ۹ کادرێن بەشێ رێکخراوەیێن جەماوەری و پیشەیی گرت
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبوونا حەکیم عەبدوللا بەرپرسێ بەشێ رێکخراوەیێن جەماوەری و پیشەیی یێ لقێ هەشت؛ رێز ل ۹ کادرێن بەشێ رێکخراوەیێن جەماوەری و پیشەیی هاتە گرتن.
بەرپرسێ لقێ ٨ێ پارتی دیموکراتی کوردستان ل زاخۆ د پەیڤەکیدا دەستخوشی ل کادرێن بەشێ رێکخراوەیێن جەماوەری و پیشەیی یێ لقێ هەشت کر و خۆیاکر کو خزمەتا ڤان کادران د ڤی ماوەیێ بۆری دا د پرۆسێسا هەلبژارتنێن ئێکەتی و سەندیکایێن پیشەیی و رێکخراوەیێن جەماوەری و جڤاکێ سڤیل دا ل سنۆرێ ئیدارا سەربەخۆیا زاخۆ رۆلەکێ بەرچاڤ و کارا هەبووینە و مەرەم ژ سەرئێخستن و باش ب رێڤەچوونا پرۆسێسا هەلبژارتنان ب دیموکراسیانە، پتر خزمەتکرنا خەلکی و وێ چین و توێژێ یە یاکو گرێدان دگەل وان ئێکەتی و کۆمەلە و سەندیکایێن پیشەیی هەیە و هەلبەت ڤان کادرێن مە یێن دلسۆز، ب سەرکەفتیانە کارو خزمەتا خوە ئەنجامداینە و لەوا مە ژ هەژی رێزلێنانێ دیتن
