نووچه
بەرێز عومەر ئۆرەیی: سەرۆک بارزانی د ریفراندۆمێدا پەیاما ئێکدەنگیا گەلێ کورد گەهاندە جیهانێ
ئەڤرۆ، رۆژەکا دیرۆکییا مەزنە بۆ مللەتێ کورد کو دەربازبوونا ٨ سالانە ب سەر بڕیارا دەستنیشانکرنا رۆژا ئەنجامدانا ریفراندۆما سەربەخۆییا کوردستانێ و د رۆژەکا وەکی ئەڤرۆدا ل ۲٠۱۷/٦/۷ێ ئەنجۆمەنێ بالایێ ریفراندۆمێ ژ هەمی پارت و لایەنێن سیاسی ل سەرۆکاتیا هەرێما کوردستانێ هاتە پێکئینان ل سەر دەستێ جەنابێ سەرۆک مسعود بارزانی و رۆژا ۲٥ی ئیلۆنا ۲٠۱۷ێ بۆ ریفراندۆمێ هاتە دەستنیشانکرن ژ لایێ سەرۆک بارزانی ڤە.
بڕیارا دەستنیشانکرنا رۆژا ئەنجامدانا ریفراندۆما سەربەخۆییا کوردستانێ ژ لایێ جەنابێ سەرۆک بارزانی ڤە، پەیاما ئێکدەنگیا گەلێ کوردە بۆ هەمی جیهانێ و ب ڤێ هەلکەفتێ سوپاسیا جەنابێ سەرۆک بارزانی و مالباتێن سەربەرزێن شەهیدان و پێشمەرگەیێ قارەمان و هەمی گەلێ کورد دکەین کو ب گەرمی پشتەڤانی ل ڤێ بڕیارا چارەنڤێسی کرین و بۆ هەتا هەتایێ د دیرۆکێ دا ئەم سەربلندکرین.
عومەر ئۆرەیی
بەرپرسێ لقێ ۸ێ پارتی دیموکراتی کوردستان ل زاخۆ
٢٠٢٥/٦/٧
